అంచనాలను పెంచేలా ట్రైలర్‌

విక్రమ్‌, కార్తి, జయం రవి, త్రిష, ఐశ్వర్యరాయ్‌ తదితరులు ప్రధాన పాత్రల్లో మణిరత్నం తెరకెక్కించిన చిత్రం ‘పొన్నియిన్‌ సెల్వన్‌ 2’. బుధవారం రాత్రి చెన్నైలో జరిగిన కార్యక్రమంలో ఈ సినిమా ట్రైలర్‌ను  విడుదల చేశారు. కమల్‌హాసన్‌, శింబులు ముఖ్య అతిథులుగా పాల్గొన్నారు. ఈ సందర్భంగా కమల్‌ మాట్లాడుతూ.. ‘ఎవరూ చేయని సాహసాన్ని దర్శకుడు మణిరత్నం చేసి చూపించారు’ అన్నారు. ‘పీఎస్‌ 2’ కోసం అందరు అభిమానుల్లాగే తాను కూడా ఎదురుచూస్తున్నట్లు ఐశ్వర్యారాయ్‌ పేర్కొన్నారు. ఈ వేడుకలో చిత్రబృందం పాల్గొని సందడి చేసింది. తొలి చిత్రాన్ని మించి ఈ సినిమా ఉండేలా ఉంది, ట్రైలర్‌ సినిమాపై అంచనాలను పెంచేసిందంటూ నెటిజన్లు స్పందించారు. పాన్‌ ఇండియా స్థాయిలో ఏప్రిల్‌ 28న ఈ సినిమా ప్రేక్షకుల ముందుకు రానుంది.

 న్యూస్‌టుడే, కోడంబాక్కం