Nandamuri Balakrishna: మరో మాస్‌ కలయిక.. బాలకృష్ణతో యువ దర్శకుడు సినిమా!

మరో మాస్‌ కలయికలో సినిమాకి రంగం సిద్ధమవుతోంది. అగ్ర కథానాయకుడు బాలకృష్ణతో యువ దర్శకుడు కె.ఎస్‌.రవీంద్ర (బాబీ) సినిమాని తెరకెక్కించనున్నారు. అందుకు సంబంధించిన సన్నాహాలు షురూ అయినట్టు తెలుస్తోంది. కథకి సంబంధించి చర్చలు కొనసాగుతున్నట్టు సమాచారం. ‘వాల్తేర్‌ వీరయ్య’తో ఘన విజయాన్ని సొంతం చేసుకున్నారు బాబీ. మాస్‌ సినిమాల్ని తీయడంలో తనకున్న పట్టుని,  సమర్థతని మరోసారి చాటి చెప్పారు. ఆయన తన తదుపరి చిత్రాన్ని బాలకృష్ణతోనే చేయనున్నారని తెలుస్తోంది. ఈ కలయికలో సినిమా చాలా రోజులుగానే ప్రచారంలో ఉంది. త్వరలోనే మరింత  స్పష్టత వచ్చే అవకాశాలున్నాయి. ప్రస్తుతం బాలకృష్ణ తన 108వ చిత్రాన్ని పూర్తి చేసే పనిలో ఉన్నారు. అనిల్‌ రావిపూడి
దర్శకత్వం వహిస్తున్నారు.