Satya Dev: నాలోని కామెడీ కోణమే.. మెర్క్యురీ సూరి

సత్యదేవ్‌ (Satya Dev) కథానాయకుడిగా...శరణ్‌ కొప్పిశెట్టి దర్శకత్వంలో రూపొందుతున్న చిత్రం ‘ఫుల్‌బాటిల్‌’ (Full Bottle). సంజనా ఆనంద్‌ కథానాయిక. సర్వాంత్‌రామ్‌ పతాకంపై  రామాంజనేయులు జవ్వాజి, ఎస్‌.డి.కంపెనీ చినబాబు నిర్మిస్తున్నారు. ఈ సినిమా టీజర్‌ని శనివారం ప్రముఖ కథానాయకుడు విజయ్‌ దేవరకొండ సామాజిక మాధ్యమాల ద్వారా విడుదల చేశారు. అనంతరం చిత్రబృందం ఓ కార్యక్రమాన్ని ఏర్పాటు చేసింది. ఈ సందర్భంగా కథానాయకుడు సత్యదేవ్‌ మాట్లాడుతూ ‘‘నాకు కామెడీ అంటే చాలా ఇష్టం. నాలోని ఆ కోణాన్ని ఈ సినిమాతో బయటికి తీసుకొచ్చాడు శరణ్‌. మెర్క్యురీ సూరి అనే పాత్రని నేను పోషించా. మనిషి జీవితం కూడా ఫుల్‌ బాటిల్‌లాంటిదే అనే ఉద్దేశంతో ఈ పేరు పెట్టాడు దర్శకుడు’’ అన్నారు. కార్యక్రమంలో కోన వెంకట్‌, చందు మొండేటి, కార్తీక్‌ దండు, సాయిరాజేశ్‌ తదితరులు పాల్గొన్నారు.