Anjali: న్యాయ విద్యార్థిగా అంజలి

‘సీతమ్మ వాకిట్లో సిరిమల్లెచెట్టు’, ‘గీతాంజలి’ లాంటి చిత్రాలతో మెప్పించిన అచ్చ తెలుగు కథానాయిక అంజలి (Anjali). తన యాభయ్యో సినిమా ‘ఈగై’లో న్యాయ విద్యార్థిగా కనిపించనుంది. ‘సామాజిక న్యాయం కథాంశంతో.. ఇన్వెస్టిగేటివ్‌ థ్రిల్లర్‌గా రూపొందే ఈ చిత్రంలో అంజలి లా స్టూడెంట్‌గా కనిపించనుంది. జూన్‌ 9నుంచి చిత్ర షూటింగ్‌ ప్రారంభమవుతుంది. ఇది తెలుగు, తమిళ భాషల్లో రూపొందనుంది’ అని దర్శకుడు అశోక్‌ వేలాయుధన్‌ వివరాలు ప్రకటించారు. చెన్నై, ముంబయి నగరాల్లో చిత్రీకరణ చేయనున్నట్టు ఆయన తెలిపారు. ఇందులో సునీల్‌ ప్రతినాయకుడి పోషించనున్నారు. ధరణ్‌ కుమార్‌ సంగీతం అందిస్తుండగా, శ్రీధర్‌ ఛాయాగ్రాహకుడిగా వ్యవహరించనున్నారు. అంజలి ప్రస్తుతం అగ్ర దర్శకుడు శంకర్‌ ‘గేమ్‌ ఛేంజర్‌’లో ఓ కీలక పాత్ర పోషిస్తోంది.