హృదయ విదారకం

ఒడిశా రైలు ప్రమాద ఘటనపై స్పందించిన సినీ లోకం

ఒడిశా రైలు ప్రమాద ఘటన సామాన్యుల నుంచి సెలబ్రిటీల వరకూ అందరి హృదయాల్ని కలచివేసింది. ఈ మహా ప్రమాదంలో మరణించిన వారికి సామాజిక మాధ్యమాల వేదికగా సంతాపం వ్యక్తం చేస్తూ వారి కుటంబాలకు అండగా ఉంటామని తెలిపారు పలువురు సినీ ప్రముఖులు.

‘ఆకస్మాత్తుగా జరిగిన ఈ రైలు ప్రమాదంలో ప్రాణాలు కోల్పోయిన వారి కుటుంబాలకు రాష్ట్ర, కేంద్ర ప్రభుత్వాలు ఆర్థిక సాయంతో పాటు జీవిత కాల ఆదాయం అందే పాలసీలను అందించాలి. గాయపడిన వారికి కూడా ఆదుకోవాలి’

సోనూ సూద్‌

* ‘ఇంత మంది ప్రాణాలు కోల్పోవడం చాలా బాధగా ఉంది. దగ్గరి ప్రాంతాల్లో ఉన్న అభిమానులు గాయపడిన వారికి రక్తదానం చేయాలని కోరుకుంటున్నాను. వారిని కాపాడుకోవడం మన బాధ్యత’

చిరంజీవి

* ‘ఈ మహాప్రమాదంలో తమ వారిని కోల్పోయిన కుంటుంబ సభ్యులకు తోడుగా ఉంటాం. గాయపడిన వారు త్వరగా కోలుకోవాలని ఆ దేవుణ్ని ప్రార్థిస్తున్నాను’

అల్లు అర్జున్‌

* ‘ఈ ఘోర రైలు ప్రమాదంలో చిక్కుకున్న వారిని కాపాడిన ప్రతి ఒక్కరికి ధన్యవాదాలు. ఈ దుర్ఘటనలో చనిపోయిన వారి ఆత్మకు శాంతి చేకురాలని కోరుకుంటున్నాను’

యశ్‌

* ‘ఈ కష్ట సమయంలో బాధిత కుటుంబాలకు బలం, ధైర్యం, మద్ధతు చేకూరాలని కోరుకుంటున్నాను’

ఎన్టీఆర్‌

* ‘మరణించిన వారి ఆత్మలకు శాంతి చేకూరాలని, క్షేతగాత్రులైన కుటుంబాలకు మనోధైర్యం చేకూరాలని ఆ భగవంతున్ని కోరుకుంటున్నాను’

సల్మాన్‌ఖాన్‌

* ఈ దుర్ఘటనలో మరణించిన వారికి అక్షయ్‌ కుమార్‌, అజయ్‌ దేవ్‌గణ్‌, శిల్పాశెట్టి, కరీనా కపూర్‌, అలియా భట్‌, ఆర్‌.మాధవన్‌, సంజయ్‌ దత్‌,  అనుష్క శర్మ, రష్మిక, పరిణీతి చోప్రా తదితరులు సంతాపం వ్యక్తం చేశారు.