Sharwanand: ‘శ్రీకారం’ చుట్టుకుంది పెళ్లి పుస్తకం

కథానాయకుడు శర్వానంద్‌ (Sharwanand) ఓ ఇంటివాడయ్యారు. శనివారం రాత్రి రక్షిత (Rakshita Reddy) మెడలో మూడుముళ్లు వేసి వైవాహిక జీవితంలోకి అడుగు పెట్టారు. ఇరు కుటుంబాల పెద్దలు, అత్యంత సన్నిహితుల సమక్షంలో జైపుర్‌లోని లీలా ప్యాలెస్‌లో వీరి వివాహ వేడుక ఘనంగా జరిగింది. రెండు రోజుల పాటు సాగిన వేడుకల్లో రామ్‌చరణ్‌, సిద్ధార్థ్‌, అదితీరావు హైదరి, దిల్‌రాజు తదితర సినీ ప్రముఖులు సందడి చేశారు. ఈ వేడుకకు సంబంధించిన ఫొటోల్ని ఆదివారం సామాజిక మాధ్యమాల్లో పంచుకున్నారు. శర్వా - రక్షిత పెళ్లి దుస్తుల్లో చూడముచ్చటగా కనిపించారు. ఈ కొత్త జంటకు పలువురు సినీ తారలు, అభిమానులు సామాజిక మాధ్యమాల వేదికగా శుభాకాంక్షలు తెలిపారు. పెళ్లి రిసెప్షన్‌ను జూన్‌ 9న హైదరాబాద్‌లో నిర్వహించనున్నారు.