Varun Tej - Lavanya Tripati: నేడే నిశ్చితార్థం

తెరపైన జంటగా నటించి అలరించిన కథానాయకుడు వరుణ్‌తేజ్‌... కథానాయిక లావణ్య త్రిపాఠి కలిసి జీవితాన్ని పంచుకోనున్నారు. కొంతకాలంగా ప్రేమలో ఉన్న ఈ ఇద్దరూ త్వరలోనే వివాహ బంధంతో ఒక్కటి కానున్నారు. శుక్రవారం హైదరాబాద్‌లో ఇరు కుటుంబాల సమక్షంలో వివాహ నిశ్చితార్థం జరగనుంది. ఆ విషయాన్ని వరుణ్‌ సన్నిహితులు సామాజిక మాధ్యమాల ద్వారా బుధవారం వెల్లడించారు. ‘మిస్టర్‌’, ‘అంతరిక్షం’ సినిమాల్లో కలిసి నటించిన వరుణ్‌, లావణ్య అప్పట్నుంచే సన్నిహితంగా మెలుగుతున్నారు. వాళ్ల ప్రేమకి ఇరు కుటుంబాలు ఆమోదం తెలపడంతో వివాహానికి సిద్ధమయ్యారు. త్వరలోనే పెళ్లి తేదీని ప్రకటించనున్నారు.