Abhishek Bachchan: తెలుగు దర్శకుడితో.. అభిషేక్‌ బచ్చన్‌ చిత్రం?

హిందీ కథానాయకుల్ని తమ కథలతో కట్టి పడేస్తున్నారు తెలుగు దర్శకులు. కొన్నేళ్లుగా హిందీ తారలు తరచూ తెలుగు దర్శకులతో సినిమాలు చేస్తున్నారు. తాజాగా అలాంటి మరో కలయిక కుదిరినట్టు తెలుస్తోంది. హిందీ కథానాయకుడు అభిషేక్‌ బచ్చన్‌ (Abhishek Bachchan) ఇటీవల తెలుగు చిత్రం ‘అరి’ చూసి, రీమేక్‌కి సంసిద్ధత వ్యక్తం చేసినట్టు సమాచారం. ‘పేపర్‌బాయ్‌’ ఫేమ్‌ జయశంకర్‌ ఈ చిత్రానికి దర్శకుడు.  అరిషడ్వర్గాలు, కృష్ణ తత్వం ప్రధానంగా సాగే ఈ సినిమాలో అనసూయ, సాయికుమార్‌, సుమన్‌, ఆమని తదితరులు కీలక పాత్రలు పోషించారు. విడుదలకి సన్నద్ధమవుతున్న ఈ సినిమాని, కొన్ని రోజుల కిందటే అభిషేక్‌ బచ్చన్‌ చూసి రీమేక్‌కి అంగీకారం తెలిపినట్టు సమాచారం. హిందీలోనూ జయశంకర్‌ దర్శకత్వం వహించే అవకాశాలున్నాయి.