రావణుడిగా రానా?

హైదరాబాద్‌: రానా - తేజ కలయికలో వచ్చిన ‘నేనే రాజు నేనే మంత్రి’ మంచి విజయాన్ని అందుకుంది. ఇప్పుడు వీరిద్దరూ మరోసారి కలసి పనిచేయబోతున్నట్టు సమాచారం. ఇటీవలే తేజ ఓ కథని రానాకి వినిపించడం, అది రానాకి నచ్చడం జరిగాయని సమాచారం. ఈ చిత్రంలో రానా రావణాసురిడిగా నటించబోతున్నట్టు తెలుస్తోంది. ‘రాక్షస రాజు..  రావణాసురుడు’ అనే టైటిల్‌ కూడా ఫిక్స్‌   చేశారని సమాచారం. రానాతో పాటుగా మరో కథానాయకుడు నటించే అవకాశాలు కనిపిస్తున్నాయి. ప్రస్తుతం ‘విరాటపర్వం’ చిత్రంతో బిజీగా ఉన్నారు రానా. ఆ సినిమా పూర్తయిన తరవాతే ‘...రావణాసురుడు’ పట్టాలెక్కుతుంది. మరోవైపు గుణశేఖర్‌ దర్శకత్వంలో రానా ఓ సినిమా చేయాల్సి ఉంది.