Breaking | Feedback | ePratibha | E-PAPER | Pratibha

‘ప్రీతి’ మిస్సింగ్‌.. ఛార్జ్‌ తీసుకున్న విక్రమ్‌

పబ్‌లో స్నేహితులతో సరదాగా గడిపిన ప్రీతి అనే అమ్మాయి.. ఆ తర్వాత రోజు నేషనల్‌ హైవేపై స్నేహితుల కోసం వెయిట్‌ చేసింది. అర్ధరాత్రి అయినా ప్రీతి ఇంటికి రాకపోవడంతో ఆమె తల్లిదండ్రులు పోలీసులకు ఫిర్యాదు చేశారు. సీన్‌ కట్‌ చేస్తే ప్రీతి మిస్సింగ్‌. ఇప్పుడు ఈ మిస్సింగ్‌ కేసుకు సంబంధించి విశ్వక్‌సేన్‌ అలియాస్‌ విక్రమ్‌...

Published : 19 Feb 2020 13:08 IST

‘హిట్‌’ ట్రైలర్‌ వచ్చేసింది

హైదరాబాద్‌: పబ్‌లో స్నేహితులతో సరదాగా గడిపిన ప్రీతి అనే అమ్మాయి.. ఆ తర్వాత రోజు నేషనల్‌ హైవేపై కనిపించింది. అర్ధరాత్రి అయినా ప్రీతి ఇంటికి రాకపోవడంతో ఆమె తల్లిదండ్రులు పోలీసులకు ఫిర్యాదు చేశారు. సీన్‌ కట్‌ చేస్తే ప్రీతి మిస్సింగ్‌. ఇప్పుడు ఈ మిస్సింగ్‌ కేసుకు సంబంధించి విశ్వక్‌సేన్‌ అలియాస్‌ విక్రమ్‌ రుద్రరాజు ఛార్జ్‌ తీసుకున్నారు. ఆయన కథానాయకుడిగా నటిస్తున్న చిత్రం ‘హిట్‌’. వాల్‌ పోస్టర్‌ సినిమా పతాకంపై నేచురల్‌ స్టార్‌ నాని ఈ చిత్రాన్ని నిర్మిస్తున్నారు. క్రైమ్‌ థ్రిల్లర్‌గా తెరకెక్కిన ఈ సినిమాకు శైలేశ్‌ కొలను దర్శకత్వం వహిస్తున్నారు. ఇప్పటికే విడుదలైన ఈ సినిమా టీజర్‌ ప్రేక్షకుల్లో ఆసక్తి రేకెత్తించిన తరుణంలో తాజాగా ‘హిట్‌’ ట్రైలర్‌ను చిత్రబృందం బుధవారం సోషల్‌మీడియా వేదికగా విడుదల చేసింది.

విక్రమ్‌ రుద్రరాజు అలియాస్‌ విక్రమ్‌ అనే పోలీస్‌ పాత్రలో విశ్వక్‌సేన్‌ నటన ప్రేక్షకులను ఆకట్టుకునేలా ఉంది. ‘నీ చుట్టుపక్కల జరిగే చిన్న చిన్న విషయాలు.. నీకు నీ పాస్ట్‌ను గుర్తు చేస్తున్నాయి విక్రమ్‌. అందుకే ఈ పానిక్‌ ఎటాక్స్‌. ఇవన్నీ’ అనే డైలాగ్‌ బట్టి చూస్తుంటే ప్రీతి కథతోపాటు ఇందులో మరొక కథ కూడా ఉన్నట్లు తెలుస్తోంది. ప్రీతి మిస్సింగ్‌ను పరిష్కరించే సమయంలో విశ్వక్‌సేన్‌కు ఎదురయ్యే సమస్యలేంటి.. వాటన్నింటినీ ఎదుర్కొని ఆయన ప్రీతిని కనిపెట్టారా అనేది తెలుసుకోవాలంటే ఫిబ్రవరి 28 వరకూ వేచి చూడాల్సిందే.

► Read latest Movies News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.