Published : 05/03/2020 21:43 IST

విజయశాంతి స్ఫూర్తితో ఈ పాత్ర చేశా: పాయల్‌

హైదరాబాద్: ప్రతి నటికి పోలీస్‌ అధికారిగా నటించాలన్న కోరిక ఉంటుందని, తాను విజయశాంతి స్ఫూర్తితోనే పోలీస్‌ ఆఫీసర్‌గా నటిస్తున్నానని అన్నారు అందాల తార పాయల్‌ రాజ్‌పుత్‌. ఆమె కీలక పాత్రలో ప్రణదీప్‌ ఠాకూర్‌ దర్శకత్వం వహించిన చిత్రం ‘5Ws’. కైవల్య క్రియేషన్స్ పతాకంపై శ్రీమతి యశోద ఠాకోర్ నిర్మిస్తున్నారు. తాజాగా ఈ చిత్రానికి సంబంధించిన ఫస్ట్‌లుక్‌ను విడుదల చేశారు. 

ఈ సందర్భంగా పాయల్‌ రాజ్‌పుత్‌ మాట్లాడుతూ.. ‘‘5Ws’ చిత్రం నా కెరీర్‌కు ఒక కొత్త చిత్రం. పోలీస్‌ అధికారిగా నటించే గోల్డెన్‌ ఛాన్స్‌ ఈ చిత్రంతో వచ్చింది. నా నటనపై నమ్మకం ఉంచి ఈ అవకాశం ఇచ్చిన ప్రణదీప్‌కు ధన్యవాదాలు. ఆయన కథ చెప్పిన వెంటనే ఒప్పుకొన్నా. ఈ పాత్ర చేయడానికి నాకు విజయశాంతి గారు స్ఫూర్తి. ఆమె పోలీస్‌ ఆఫీసర్‌గా నటించిన చాలా సినిమాలు చూశాను. ఈ ‘5Ws’లో కొత్తగా చేసే అవకాశం నాకు లభించింది. ఇందులో ఫైట్స్‌ కూడా చేశా’’ అని చెప్పుకొచ్చింది. 

దర్శకుడు ప్రణదీప్ మాట్లాడుతూ ఇదొక క్రైమ్ ఇన్వెస్టిగేటివ్ మిస్టరీ డ్రామా అని, ప్రేక్షకులకు బాగా కనెక్ట్ అవుతుందని అన్నారు. కార్యక్రమంలో మాటల రచయిత శివకుమార్, సినిమాటోగ్రాఫర్ అనిల్ బండారి తదితరులు పాల్గొన్నారు. 

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని