రెండు వందల బాలల చిత్రాలైనా లేకపోతే ఎలా?
చిన్నారుల సినిమా అని చిన్నచూపు చూడొద్దు. జనానికి ఓ సినిమా నచ్చిందంటే చాలు... కుటుంబాలు కుటుంబాలు థియేటర్కి తరలి వస్తుంటారు.
చిన్నారుల సినిమా అని చిన్నచూపు చూడొద్దు. జనానికి ఓ సినిమా నచ్చిందంటే చాలు... కుటుంబాలు కుటుంబాలు థియేటర్కి తరలి వస్తుంటారు. అలా పిల్లల మనసుల్ని గెల్చుకొని విజయాల్ని అందుకున్న చిత్రాలు ప్రపంచవ్యాప్తంగా ఎన్నెన్నో! దురదృష్టవశాత్తు మన దేశంలోనే బాలల చిత్రాలు అరుదుగా రూపొందుతున్నాయి. ఆమీర్ఖాన్, సూర్య తదితర కొద్దిమంది తారలు బాలల చిత్రాల్లో మెరిసినా... ఆ సంఖ్య పెరగాలనేది సినీ పండితుల మాట. సోమవారం బాలల దినోత్సవాన్ని పురస్కరించుకుని దర్శకుడు పి.సునీల్కుమార్ రెడ్డితో ‘ఈనాడు సినిమా’ ముచ్చటించింది. తెలుగులో ‘హీరో’ అనే బాలల చిత్రం చేసి మెప్పించిన ఆయన చెప్పిన విషయాలివీ...
‘‘బాలల దినోత్సవాన బాలల చిత్రాల్ని గుర్తు చేసుకుంటే సరిపోదు. పెద్దవాళ్లు చూస్తున్న చిత్రాల కంటే చిన్నారుల చిత్రాలే సమాజానికి అవసరం. ఒక కొత్త సమాజాన్ని సృష్టించేంత శక్తి సామర్థ్యాలు వాటికి ఉన్నాయి. సినిమాలతో పెద్దల్ని మార్చడం కష్టమేమోగానీ.. పిల్లలు మాత్రం సులభంగా ప్రభావితం అవుతారు. మరి ఏటా రెండు వేల చిత్రాలు నిర్మిస్తున్న భారతీయ చిత్ర పరిశ్రమ.. అందులో రెండు వందల బాలల సినిమాలైనా తీయకపోతే ఎలా? పాఠశాలల్లో సినిమా ఒక పాఠ్యాంశం కావాలి. ఆయా తరగతులకి తగ్గట్టుగా ఏటా కొన్ని సినిమాల్ని విద్యార్థులకి చూపిస్తూ వాటి నుంచి ఎన్నో విషయాల్ని చెప్పే ఆస్కారం ఉంది. ప్రతి సబ్జెక్ట్నీ సినిమాతో చెప్పొచ్చు. మనం గుర్తు పెట్టుకున్నది మరిచిపోవడానికి ఆస్కారం ఉంటుంది కానీ, తెలుసుకున్నది మాత్రం మరిచిపోలేం. భావోద్వేగాల్ని తెరపై ఆవిష్కరిస్తూ సినిమా తెలుసుకునే అవకాశం ఇస్తుంది. మన విద్యావ్యవస్థ గుర్తు పెట్టుకోవడం దగ్గరే ఆగిపోయింది. పిల్లలకి సినిమాతో నేర్పిస్తూ, విద్యావ్యవస్థ ప్రస్తుతం చేస్తున్న మంచి కంటే ఎక్కువగా మంచి చేసే అవకాశం ఉంది’’.
* ‘‘సినిమా అనే ఒక అద్భుతమైన సాధనాన్ని వంద మంది చేతుల్లో పెట్టేసి, వాళ్ల చేతుల్లోకి వెళ్లిపోయింది అంటే లాభం లేదు. బాలల చిత్రాల్ని ప్రోత్సహించే బాధ్యతని ప్రభుత్వాలు తీసుకోవాలి. మంచి భావి సమాజాన్ని సృష్టించాలంటే అది చాలా అవసరం. కార్పొరేట్ సోషల్ రెస్పాన్సిబిలిటీ తరహాలో అగ్ర దర్శకులూ ఓ సామాజిక బాధ్యతగా భావించి, వాళ్ల జీవిత కాలంలో ఒక్క బాలల సినిమానైనా చేయాలి. కథానాయకులు కూడా అదే బాధ్యతని తీసుకోవాలి. పవన్కల్యాణ్ ఒక చిన్న పిల్లల సినిమాలో నటిస్తే అది ఎంత అద్భుతంగా ఉంటుంది? చిన్న కష్టానికే కుంగిపోకూడదనో, అబద్ధాలు చెప్పకూడదనో... ఇలా ఓ చిన్న అంశాన్నే సినిమాతో చెప్పిస్తే అది పిల్లలపై ఎంతో ప్రభావం చూపిస్తుంది. తారలు, దర్శకులు అలా ముందుకొస్తే విద్యా సంబంధమైన అంశాలతో చిత్రాలు విరివిగా రూపొందే అవకాశం ఉంటుంది’’.
* ‘‘చిన్నారులకి కథలు చెప్పే అమ్మమ్మ తాతయ్యలు ఇప్పుడు కరువయ్యారు. వాళ్లకి తగ్గ కథలు చెప్పే సినిమాలైనా అందుబాటులో లేకపోతే ఎలా? మన భారతీయ సంస్కృతి, భారతీయ పాత్రల గురించి ఇప్పుడు ఎవరూ మాట్లాడటం లేదు. చిన్నప్పుడు విన్న హరిశ్చంద్రుడి కథ మనకి ఎంత బాగా చేరువైంది. అలాంటి విలువలతో కూడిన కథల్ని సినిమాలతోనూ పిల్లలకి చేరువ చేయొచ్చు. విలువలనే కాదు, స్నేహంతో ముడిపెడుతూ అయస్కాంతత్వం గురించో, గురుత్వాకర్షణ గురించో చెప్పొచ్చు. ఆ సినిమా చూశాక వాళ్లకి మళ్లీ ఆ పాఠాలు చెప్పాల్సిన అవసరమే ఉండదు. అలాంటి కథలు రాసే ప్రతిభావంతులు ఎంతోమంది ఉన్నారు. పాకిస్తాన్ని తిట్టడమే దేశభక్తి కాదు... కశ్మీర్, గుజరాత్, కేరళ ఇలా దేశం నలుమూలలా ఎక్కడ ఏ సంస్కృతి ఉంది, వాళ్లు ఏం తింటున్నారు? వాళ్ల వస్త్రధారణ ఎలా ఉంటుందో తెరపై ఓ సినిమాతో చూపిస్తే మన దేశంలో వైవిధ్యం గురించి తెలుస్తుంది. మన అన్నదమ్ములు ఇలా ఉన్నారని అర్థం అవుతుంది. ఇదే కదా దేశ సమగ్రత, వైవిధ్యం అంటే! సినిమాతో సామాజిక బాధ్యత కలిగిన కొత్త తరాన్ని సృష్టించేందుకు వీలు కలుగుతుంది’’.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆ విషయంలో అల్లరి నరేశ్ను పట్టుబట్టా: నాని
నరేశ్ హీరోగా తెరకెక్కిన కామెడీ ఫిల్మ్ ‘ఆ ఒక్కటీ అడక్కు’. ఈ సినిమా ట్రైలర్ ఈవెంట్లో నాని సందడి చేశారు. -
అలాంటి మాటలు చెప్పే అలవాటు లేదు
‘పొలిమేర’ సిరీస్ సినిమాలతో అందర్నీ మెప్పించి సత్తా చాటారు సత్యం రాజేశ్. ఇప్పుడాయన హీరోగా నటించిన చిత్రం ‘టెనెంట్’. వై.యుగంధర్ తెరకెక్కించిన ఈ సినిమాని మోగుళ్ల చంద్రశేఖర్ రెడ్డి నిర్మించారు. -
చరణ్, జాన్వీ ‘జగదేక వీరుడు అతిలోక సుందరి’ సీక్వెల్ చేయాలన్నది నా కల: చిరంజీవి
‘జగదేక వీరుడు అతిలోక సుందరి’ రెండో భాగంలో రామ్చరణ్, జాన్వీకపూర్ కలిసి నటిస్తే చూడాలన్నది తన కల అని, దానికోసం ఎదురుచూస్తున్నానని అగ్ర కథానాయకుడు చిరంజీవి (Chiranjeevi) అన్నారు. -
హీరో ఒక్కడే థియేటర్లలోకి రప్పించలేడు
‘సినిమాలో పెద్ద హీరో ప్రధాన పాత్రధారిగా ఉన్నంతమాత్రాన ప్రేక్షకుడిని థియేటర్లలోకి రప్పించలేం. కథే సిసలైన హీరో’ అంటోంది కృతి సనన్. -
ఆ అవకాశం ఉంటే చెన్నై వదిలి ఇక్కడే సినిమాలు చేస్తా!
వైవిధ్యభరితమైన థ్రిల్లర్ కథలకు చిరునామాగా నిలుస్తుంటారు విజయ్ ఆంటోని. ఇప్పుడాయన తొలిసారి రొమాంటిక్ జానర్లో ‘లవ్ గురు’ అనే చిత్రం చేశారు. ఆయన స్వయంగా నిర్మించిన ఈ సినిమాని వినాయక్ వైద్యనాథన్ తెరకెక్కించారు. -
ఆ దిగ్గజ నటుడు నాకు ఆరాధ్య దైవంతో సమానం: మురళీ మోహన్
సినీ నటుడు మురళీ మోహన్ తాజాగా ‘ఆలీతో సరదాగా’లో పాల్గొన్నారు. ఆయన జీవితంలోని కొన్ని ఆసక్తికర అంశాలను పంచుకున్నారు. -
ఆ మాటలతోనే స్టార్నయ్యా.. ఇప్పటికీ షాంపూ బాటిల్లో నీళ్లు పోసి వాడుతుంటా!: చిరంజీవి
కెరీర్ పరంగా తాను ఎదుర్కొన్న సవాళ్లు, తన కుటుంబం, పొదుపుపై ఆసక్తికర వ్యాఖ్యలు చేశారు అగ్ర కథానాయకుడు చిరంజీవి (Chiranjeevi). -
చిరంజీవితో ఆ పాటకు డ్యాన్స్ వేయడం కష్టంగా అనిపించింది: రాధ
నటి రాధ ‘ఆలీతో సరదాగా’ కార్యక్రమానికి హాజరయ్యారు. ఆమె కెరీర్కు సంబంధించిన ఆసక్తికర విషయాలు పంచుకున్నారు. -
Prithviraj Sukumaran: అందుకు మలయాళ ఇండస్ట్రీ నాపై అసూయ పడిందేమో: పృథ్వీరాజ్ సుకుమారన్
తన కొత్త సినిమా ‘ఆడుజీవితం’ ప్రచారంలో భాగంగా హైదరాబాద్కు వచ్చారు మలయాళ నటుడు పృథ్వీరాజ్ సుకుమార్. ఆ చిత్రం గురించి పలు విశేషాలు పంచుకున్నారు. -
alitho saradaga: డబ్బులు అడుగుతానేమోనని కొందరు తప్పించుకు తిరిగేవాళ్లు: పుల్లెల గోపీచంద్
ప్రముఖ బ్యాడ్మింటన్ కోచ్ పుల్లెల గోపీచంద్ ఆలీతో సరదాగా కార్యక్రమానికి వచ్చారు. చాముండేశ్వర నాథ్తో కలిసి ఆయన చెప్పిన సంగతులేంటంటే.. -
Anupama Parameswaran: అందుకు బోర్ ఫీలయ్యా.. గ్లామర్ డోస్పై స్పందించిన అనుపమ
సిద్ధు జొన్నలగడ్డ, అనుపమ జంటగా నటించిన చిత్రం ‘టిల్లు స్క్వేర్’. ఈ సినిమా సాంగ్ లాంచ్ ఈవెంట్లో హైదరాబాద్లో జరిగింది. -
Priyadarshi: స్వచ్ఛమైన హాస్యంతో సినిమా ఓ పెద్ద సవాల్
‘‘కథానాయకుడు అనగానే ఒక ప్రత్యేకమైన ఇమేజ్కి పరిమితం చేసినట్టు ఉంటుంది. స్వేచ్ఛగా ఉండలేను. నన్ను నేను ఓ నటుడిగా చూసుకోవడానికే ఇష్టపడతా’’ అన్నారు ప్రియదర్శి. -
Sivaji: ఆలీ అన్నా.. దయచేసి ఎన్నికల్లో పోటీ చేయొద్దు: శివాజీ
ఇప్పటి రోజుల్లో రాజకీయాలు వ్యాపారంగా మారాయన్నారు నటుడు శివాజీ. డబ్బులు ఖర్చుపెట్టడంతోపాటు వివిధ మార్గాల్లో ఆ మొత్తాన్ని తిరిగి లాక్కొనేవారికే పాలిటిక్స్ సెట్ అవుతాయన్నారు. -
Allari Naresh: ‘ఆ ఒక్కటీ అడక్కు’ టైటిల్.. ఆ ఉద్దేశంతో పెట్టలేదు : అల్లరి నరేశ్
నరేశ్ హీరోగా రూపొందిన తాజా చిత్రం ‘ఆ ఒక్కటీ అడక్కు’. ఈ సినిమా టీజర్ లాంచ్ ఈవెంట్లో నరేశ్ పాల్గొని సందడి చేశారు. -
Raghu Karumanchi: స్టాక్మార్కెట్.. రూ.కోట్లలో నష్టపోయా: రఘు
ఈటీవీలో ప్రసారమవుతోన్న సెలబ్రిటీ టాక్ షో ‘చెప్పాలని ఉంది’ (Cheppalani Vundi). బాలాదిత్య వ్యాఖ్యాతగా వ్యవహరిస్తోన్న ఈ కార్యక్రమంలో తాజాగా టాలీవుడ్ హాస్యనటుడు రఘు కారుమంచి (Raghu Karumanchi) పాల్గొన్నారు. తన కెరీర్ విశేషాలు పంచుకున్నారు. -
Akash Puri: అప్పటి వరకు నాన్న దర్శకత్వంలో నటించను: ఆకాశ్ పూరి
తన తండ్రి పూరి జగన్నాథ్ దర్శకత్వంలో ప్రస్తుతానికి నటించాలనుకోవడంలేదని నటుడు ఆకాశ్ తెలిపారు. హైదరాబాద్లో నిర్వహించిన ప్రెస్మీట్లో ఆయన మాట్లాడారు. -
Suhaas: రూ.3 కోట్ల రెమ్యూనరేషన్.. సుహాస్ ఏమన్నారంటే!
తాజాగా ‘ప్రసన్నవదనం’ టీజర్ లాంచ్ ఈవెంట్ జరిగింది. ఇందులో సుహాస్ తన రెమ్యూనరేషన్పై స్పందించారు. -
Gopichand: ఆ పిల్లల చదువుకు సాయం చేస్తున్నా.. చెప్పకపోవడానికి కారణమదే: గోపీచంద్
ప్రముఖ హాస్యనటుడు ఆలీ వ్యాఖ్యాతగా ఈటీవీ వేదికపై విశేష ఆదరణ సొంతం చేసుకున్న సెలబ్రిటీ టాక్ షో ‘ఆలీతో సరదాగా’ (Alitho Saradaga). ఈ షో సెకండ్ సీజన్ తాజాగా మొదలైంది. తొలి ఎపిసోడ్కు గోపీచంద్ (Gopichand) అతిథిగా విచ్చేశారు. -
Gopichand: భీమా ప్రేక్షకుల మదిలో నిలిచిపోయే పాత్ర: గోపీచంద్
భీమా ప్రమోషన్స్లో భాగంగా హీరో గోపీచంద్ ఇటీవల ఓ ఇంటర్వ్యూలో మాట్లాడారు. -
మూఢ నమ్మకాలు లేని దెయ్యం సినిమా ‘వళరి’
‘హారర్ సినిమాల సంఖ్య తగ్గుతున్న సమయంలో.. ఆ లోటును ‘వళరి’ చిత్రం తీర్చేయడానికి త్వరలో రాబోతుంది’ అంటున్నారు దర్శకురాలు మ్రితికా సంతోషిణి. దర్శకురాలిగా ఆమె రూపొందించిన తొలి చిత్రమిది. రితికా సింగ్, శ్రీరామ్ ప్రధాన పాత్రల్లో నటించారు. -
Varun Tej: కల్యాణ్ బాబాయ్ ఇలా చెప్పడం అరుదు: వరుణ్ తేజ్
తన కొత్త సినిమా ‘ఆపరేషన్ వాలెంటైన్’ మార్చి 1న విడుదల కానున్న సందర్భంగా విలేకరులతో ముచ్చటించారు హీరో వరుణ్ తేజ్.