ఆస్ట్రియాలో అలియా పాట

‘తల్లి కానున్నా’ అంటూ ఇటీవలే శుభవార్త వినిపించింది నటి అలియా భట్‌. ఈ నేపథ్యంలోనే చేతిలో ఉన్న చిత్రాల్ని చకచకా పూర్తి చేసే పనిలో పడింది. ప్రస్తుతం ఆమె రణ్‌వీర్‌ సింగ్‌కు జోడీగా ‘రాఖీ ఔర్‌ రాణీ కీ ప్రేమ్‌ కహానీ’ చిత్రంలో నటిస్తున్న సంగతి తెలిసిందే. ఈ సినిమాలోని చివరి పాట చిత్రీకరణ కోసం రణ్‌వీర్‌తో కలిసి ఆస్ట్రియాకు పయనమవుతోంది అలియా. జులై తొలి వారంలో పాట చిత్రీకరణ మొదలవుతుంది. ఇందుకోసం చిత్ర బృందం ఇప్పటికే అక్కడ అన్ని ఏర్పాటు చేసింది. ఈ పాట పూర్తయిన వెంటనే అలియా తన హాలీవుడ్‌ సినిమా ‘హార్ట్‌ ఆఫ్‌ స్టోన్‌’ కోసం లండన్‌ బయలు దేరనున్నట్లు తెలిసింది. ఈ చిత్రమూ ప్రస్తుతం ముగింపు దశలోనే ఉంది.