నటుడు మితిలేశ్‌ చతుర్వేది కన్నుమూత

ప్రముఖ హిందీ నటుడు... ‘గదర్‌: ఏక్‌ ప్రేమ్‌కథ’, ‘కోయి మిల్‌ గయా’, ‘రెడీ’ తదితర చిత్రాలతో ప్రేక్షకులకు గుర్తుండిపోయిన మితిలేశ్‌  చతుర్వేది(67) కన్నుమూశారు. పది రోజుల కిందట గుండెపోటుకి గురైన ఆయన ముంబయిలోని ఓ ఆస్పత్రిలో చేరారు. శ్వాసకోశ సమస్యలతోనూ బాధపడుతున్న ఆయన గురువారం ముంబయిలోని ఆస్పత్రిలో గుండెపోటుతో తుదిశ్వాస విడిచినట్టు చతుర్వేది కుటుంబ సభ్యులు వెల్లడించారు. సహాయ పాత్రలతో హిందీ సినిమాపై తనదైన ముద్రవేసిన నటుడాయన. ‘తాల్‌’, ‘ఫిజా’, ‘అశోక’, ‘బంటీ ఔర్‌ బబ్లీ’, ‘క్రిష్‌’, ‘గులాబో సితాబో’ చిత్రాల్లో ఆయన పోషించిన పాత్రలు విశేష ఆదరణ పొందాయి. ‘స్కామ్‌ 1992: ద హర్షద్‌ మెహతా స్టోరి’ అనే వెబ్‌సిరీస్‌లోనూ నటించారు.