Adipurush: అయోధ్యలో ‘ఆదిపురుష్‌’ వేడుక

‘ఆదిపురుష్‌’ (Adipurush) టీజర్‌ విడుదల వేడుకని అక్టోబరు 2న అయోధ్యలో నిర్వహించనున్నారు. ఆ విషయాన్ని చిత్ర దర్శకుడు ఓం రౌత్‌ (OmRut) సామాజిక మాధ్యమాల ద్వారా వెల్లడించారు. రామాయణం ఆధారంగా రూపొందుతున్న ఈ సినిమాలో ప్రభాస్‌ (Prabhas) కథానాయకుడు. కృతిసనన్‌ (Kriti Sanon) కథానాయిక.  సైఫ్‌ అలీఖాన్‌ ప్రతినాయకుడు. వచ్చే ఏడాది జనవరి 12న ప్రేక్షకుల ముందుకు రానున్న ఈ సినిమా ప్రచార కార్యక్రమాలు షురూ అవుతున్నాయి. దసరా నవరాత్రుల సందర్భంగా శ్రీరాముడు జన్మించిన అయోధ్యలో టీజర్‌ని విడుదల చేయాలని నిర్ణయించారు. అందుకోసం ఏర్పాట్లు మొదలు పెట్టినట్టు సినీ వర్గాలు తెలిపాయి. ఐమాక్స్‌ ఫార్మేట్‌తోపాటు, త్రీడీలోనూ ప్రేక్షకుల ముందుకు రానుందీ చిత్రం.