Sushmita Sen: ట్రాన్స్‌జెండర్‌ పాత్రలో విశ్వసుందరి

బాలీవుడ్‌ అందాల తార, మాజీ మిస్‌ ఇండియా యూనివర్స్‌ సుస్మితాసేన్‌ (Sushmita Sen) వెండితెరపై అలరించి ‘ఆర్య’ వెబ్‌సిరీస్‌తో డిజిటల్‌ బాట పట్టిన సంగతి తెలిసిందే. ఆ తర్వాత ఆమె నుంచి మరో వెబ్‌సిరీస్‌ రాబోతున్నదన్న కబురు కూడా కొన్ని రోజుల క్రితమే విన్నాం. అదే ‘తాలి’. ఇందులో సుస్మిత ట్రాన్స్‌జెండర్‌ యాక్టివిస్ట్‌ గౌరీ సావంత్‌ పాత్రను పోషిస్తోంది. తాజాగా ఈ సిరీస్‌లో తన లుక్‌ను ఇన్‌స్టా ద్వారా పంచుకుంది సుస్మిత. ‘‘అందమైన వ్యక్తి కథను అంతే అందంగా ఈ ప్రపంచంలోకి తీసుకురావడం ఆనందంగా ఉంది’’అని పోస్ట్‌ చేసింది సుస్మిత. ఈ సిరీస్‌ ప్రేక్షకుల ముందుకు ఎప్పుడు రాబోయేది మాత్రం ఇంకా ప్రకటించలేదు.