ఆమె.. మా ఆయన భార్య

ఏవండీ ఆవిడ వచ్చింది...ఆయనకు ఇద్దరు...ఈ తరహా చిత్రాలు ప్రేక్షకుల ముందుకొచ్చిన ప్రతిసారీ ప్రేక్షకులకు వినోదాన్నే పంచాయి. ఇలాంటివి బాలీవుడ్‌లోనూ తెరకెక్కి విజయం సాధించాయి. తాజాగా ఇద్దరు భార్యలు, ఓ భర్త కథతో రాబోతున్న చిత్రం ‘మేరీ హజ్బెండ్‌ కీ బివీ’. ఇందులో అర్జున్‌ కపూర్‌ కథానాయకుడిగా, రకుల్‌ప్రీత్‌ సింగ్‌, భూమి పెడ్నేకర్‌ నాయకలుగా నటిస్తున్నారు. ముదాస్సర్‌ అలీ దర్శకత్వం వహిస్తున్న ఈ చిత్రాన్ని వశు, జాకీ భగ్నానీలు నిర్మిస్తున్నారు. ‘‘పూర్తిస్థాయి వినోదాత్మకంగా సాగే చిత్రమిది. ముగ్గురి మధ్య జరిగే ప్రేమ కథలో ప్రేక్షకులకు నచ్చే అంశాలతో తీర్చిదిద్దుతున్నారు. ఇప్పటికే ఓ షెడ్యూల్‌ పూర్తయింది’’అని చిత్రవర్గాలు చెప్పినట్లు సమాచారం. ఈ ఏడాది చివరకు ఈ సినిమా చిత్రీకరణను పూర్తి చేసి 2023 జూన్‌ నాటికి విడుదల చేయడానికి
సన్నాహాలు చేస్తున్నారు.