www: ఓటీటీలోకి ‘డబ్ల్యుడబ్ల్యుడబ్ల్యు’

అదిత్‌ అరుణ్‌, శివాని  రాజశేఖర్‌ జంటగా కె.వి.గుహన్‌ తెరకెక్కించిన చిత్రం ‘డబ్ల్యుడబ్ల్యుడబ్ల్యు’ (ఎవరు, ఎక్కడ, ఎందుకు). రవిప్రసాద్‌ రాజు దాట్ల నిర్మాత. సైమన్‌ కె.కింగ్‌ స్వరాలందించారు. ఇప్పటికే అన్ని కార్యక్రమాలు పూర్తి చేసుకున్న ఈ సినిమా, త్వరలో ప్రముఖ ఓటీటీ వేదిక ‘సోనిలివ్‌’లో విడుదల కానుంది. ఈ సందర్భంగా నిర్మాత మాట్లాడుతూ.. ‘‘తొలిసారి తెలుగులో వస్తున్న కంప్యూటర్‌ స్క్రీన్‌ బేస్డ్‌ మూవీ ఇది. ఓటీటీకి సరిగ్గా సరిపోతుంది. ఈ సినిమా సోనిలివ్‌ ద్వారా మరింత ఎక్కువ మందికి చేరుతుందని ఆశిస్తున్నాం. గుహన్‌ మేకింగ్‌, అదిత్‌ అరుణ్‌ - శివానిల కెమిస్ట్రీ అన్ని వర్గాల ప్రేక్షకుల్ని ఆకట్టుకుంటుంది’’ అన్నారు. ఈ సినిమాకి కూర్పు: తమ్మిరాజు, మాటలు: మిర్చి కిరణ్‌. సమర్పణ: సురేష్‌ ప్రొడక్షన్స్‌.