అల్లు అరవింద్‌కు అరుదైన గౌరవం

ప్రణబ్‌ చేతుల మీదుగా అవార్డు

హైదరాబాద్‌: ప్రముఖ నిర్మాత అల్లు అరవింద్‌కు అరుదైన గౌరవం దక్కింది. భారత, తెలుగు చిత్ర పరిశ్రమకు నిర్మాతగా ఆయన చేసిన సేవను గుర్తిస్తూ కేంద్ర ప్రభుత్వం ‘ఛాంపియన్స్‌ ఆఫ్‌ ఛేంజ్‌ 2019’ అవార్డుతో సత్కరించింది. భారత మాజీ రాష్ట్రపతి ప్రణబ్‌ ముఖర్జీ ఈ అవార్డును అల్లు అరవింద్‌కు అందించారు. దిల్లీలోని విజ్ఞాన్‌భవన్‌లో సోమవారం జరిగిన కార్యక్రమంలో ప్రణబ్‌ చేతుల మీదుగా అల్లు అరవింద్‌ గౌరవం అందుకున్నారు. ఈ నేపథ్యంలో సోషల్‌మీడియాలో నెటిజన్లు అల్లు అరవింద్‌కు శుభాకాంక్షలు చెబుతున్నారు.
గీతా ఆర్ట్స్‌ సంస్థ వరుస సినిమాలతో హిట్లు అందుకుంటోంది. ఈ సంస్థ నుంచి వచ్చిన  చిత్రాలు విజయం సాధించాయి. గత ఏడాది ‘గీత గోవిందం’, ఈ ఏడాది ‘అల వైకుంఠపురములో..’ సినిమాలతో ప్రేక్షకులకు వినోదం పంచింది.