హీరో విజయ్‌కు ఐటీ సమన్లు

చెన్నై: ఆదాయ పన్ను చెల్లించనందుకు తమిళ స్టార్‌ హీరో విజయ్‌కు ఆదాయ పన్నుశాఖ సమన్లు జారీ చేసింది. చెన్నైలోని విజయ్‌ ఇంట్లో అధికారులు తనిఖీలు చేపట్టారు. విజయ్‌కు ఫైనాన్షియర్‌గా ఉన్న అన్బూ ఇంట్లోనూ దాడులు చేసిన అధికారులు రూ.65కోట్లు స్వాధీనం చేసుకున్నట్లు సమాచారం. విజయ్‌ హీరోగా నటించిన బిగిలే (విజిల్‌) ఇటీవల విడుదలై మంచి విజయం సాధించింది. బాక్సాఫీస్‌ వద్ద రూ.300కోట్లు రాబట్టింది. ఈ నేపథ్యంలో ఆయన ఇంట్లో ఐటీ దాడులు చేసినట్లు తెలుస్తోంది. ఇదిలా ఉండగా విజయ్‌ ప్రస్తుతం ‘మాస్టర్‌’ చిత్రం చిత్రీకరణలో బిజీగా ఉన్నాడు. లోకేశ్‌ కనకరాజ్‌ దర్శకత్వంలో వస్తున్న ఈ సినిమాలో విజయ్‌ సేతుపతి విలన్ పాత్రలో కనిపించనున్నాడు. మాళవిక మోహన్‌ హీరోయిన్. ఆండ్రియా, శాంతను కీలక పాత్రల్లో నటిస్తున్నారు. అనిరుద్‌ శ్రీకాంత్‌ సంగీతం అందిస్తున్నారు. ఈ సినిమాను ఏప్రిల్‌ 10న అభిమానుల ముందుకు తీసుకొచ్చేందుకు చిత్ర బృందం యోచిస్తోంది.