ఇది నా జీవితంలో సాహసోపేతమైంది: రజనీ

థాంక్స్‌ ఫ్రెండ్‌

చెన్నై: సూపర్‌స్టార్‌ రజనీకాంత్‌ డిస్కవరీ ఛానల్‌లో ప్రసారమయ్యే ‘మ్యాన్‌ వర్సెస్‌ వైల్డ్‌’ షోలో కనిపించబోతున్న సంగతి తెలిసిందే. సోమవారం రాత్రి 8 గంటలకు ఇది ప్రసారం కాబోతోంది. ఈ షో కోసం రజనీ కర్ణాటకలోని బందిపొరా టైగర్‌ రిజర్వ్‌ ఫారెస్ట్‌లో బేర్‌ గ్రిల్స్‌తో కలిసి సాహసాలు చేశారు. రజనీ తొలిసారి బుల్లితెరపై కనిపించబోతున్న షో ఇది కావడంతో అభిమానుల్లో ఆతృత నెలకొంది. కాగా ఈ షోను ఉద్దేశించి రజనీ ట్వీట్‌ చేశారు. ‘నా జీవితంలో అత్యంత సాహసోపేతమైన అనుభవాలలో  ఇదొకటి. నేను ఈ షో చేస్తున్నప్పుడు ఎంత ఎంజాయ్‌ చేశానో.. మీరు చూస్తూ అంతే ఎంజాయ్‌ చేస్తారని ఆశిస్తున్నా. థాంక్యూ సో మచ్‌ మై ఫ్రెండ్‌ బేర్‌ గ్రిల్స్‌’ అని పేర్కొన్నారు.

రజనీ పోస్ట్‌ను ఆయన కుమార్తె సౌందర్య రజనీకాంత్‌ రీట్వీట్‌ చేశారు. ‘ఈ షోను మిస్‌ కావొద్దు. నా తండ్రి పట్ల చాలా చాలా గర్వంగా ఉంది. ఇది అంత సులభమైన పనికాదు. షూట్‌ను దగ్గరుండి చూసే అదృష్టం నాకు దక్కింది. ఈ అద్భుతమైన మధురజ్ఞాపకాన్ని నాకు ఉంచినందుకు బేర్‌ గ్రిల్స్‌కు వెయ్యిసార్లు ధన్యవాదాలు చెబుతున్నా’ అని ఆమె చెప్పారు.