మీరే నిజమైన హీరోలు..!

విక్టరీ వెంకటేశ్‌ ట్వీట్‌

హైదరాబాద్‌: దేశం ప్రస్తుతం ఎదుర్కొంటున్న క్లిష్ట పరిస్థితుల్లో కుటుంబాలను వదులుకుని మన కోసం.. మన వారి కోసం నిద్రాహారాలు మానేసి ఎంతో శ్రమిస్తున్న వైద్యులు, పోలీసులే నిజమైన హీరోలు అని అంటున్నారు టాలీవుడ్‌ అగ్రకథానాయకుడు వెంకటేశ్‌. దేశవ్యాప్తంగా పోలీసులు అందిస్తున్న సేవలను ప్రశంసిస్తూ.. ఇప్పటికే చిరంజీవి, మహేశ్‌ బాబు ట్విటర్‌ వేదికగా ధన్యవాదాలు తెలిపిన విషయం విధితమే. 

‘ఆస్పత్రిలో రోగుల ప్రాణాలను కాపాడటంలో తీవ్రంగా శ్రమిస్తున్న వైద్యులు, కొవిడ్‌-19పై చేస్తున్న పోరాటంలో అద్భుతమైన సేవలు అందిస్తున్న పోలీసులకు మనస్ఫూర్తిగా కృతజ్ఞతలు తెలపండి. ఇలాంటి క్లిష్ట పరిస్థితుల్లో మన కోసం, మన కుటుంబాల కోసం కష్టపడుతున్న మీ అందరికీ ధన్యవాదాలు. మీరే నిజమైన హీరోలు. మీ అందరికీ ఇదే నా సెల్యూట్‌.’ అని వెంకటేశ్‌ ట్విటర్‌లో పేర్కొన్నారు.