Updated : 08 May 2020 09:27 IST

అప్పుడు బికినీ ధరించడం ఇష్టం లేదని చెప్పా!

హైదరాబాద్‌: కథానాయికగా వరుస సినిమాలతో దూసుకెళ్తున్న ముద్దుగుమ్మ రకుల్‌ప్రీత్‌ సింగ్‌. అంతేకాదు సామాజిక మాధ్యమాల వేదికగానూ ఎంతో చురుగ్గా ఉంటుంది. మిస్‌ ఇండియా పోటీల్లో బికినీ ధరించే విషయమై ఎంతో ఇబ్బంది పడ్డానని కానీ, తన తల్లి ప్రోత్సాహంతో ధైర్యంగా ముందడుగు వేశానని తాజాగా ఓ ఇంటర్వ్యూలో చెప్పింది.

‘‘నేను ‘మిస్‌ ఇండియా’ పోటీల్లో పాల్గొనాలన్నది మా అమ్మ కోరిక. అయితే, అందుకు చాలా తతంగం ఉంటుందని, బికినీలు కూడా ధరించాలని అమ్మతో చెబుతూ ఉండేదాన్ని. అంతేకాదు, నాకు బికినీ ధరించడం కూడా ఇష్టం లేదు. అయితే, ఆమె ఎంతో నమ్మకంతో ఉండేది. ‘నువ్వు అందుకు సిద్ధం అవ్వు. బికినీ ధరిస్తే ఏమవుతుంది. నువ్వు తప్పకుండా పోటీకి వెళ్లాలి’ అని ధైర్యం చెప్పింది. ఈ విషయంలో నాన్న కూడా అడ్డు చెప్పలేదు. సాధారణంగా ఇలాంటి విషయాల్లో తల్లిదండ్రులు కాస్త వెనకడుగు వేస్తారు. కానీ, మా అమ్మానాన్నలు మాత్రం ముందుకు నడిపించారు’’

‘‘మా నాన్న సైన్యంలో పనిచేస్తుండటం వల్ల తరచూ బదిలీలు ఉండేవి. నేను నటిగా మారాక తమ్ముడు అమన్‌ క్రీడల్లో పాల్గొనేవాడు. అమన్‌ కోసం నాన్న తన ఆర్మీ ఉద్యోగానికి రాజీనామా చేశాడు. ఇప్పుడిలా నటిగా మారానంటే ఇదంతా అమ్మానాన్నల చలువే అని’’ చెప్పింది. ప్రస్తుతం రకుల్‌ వరుస సినిమాలో బిజీగా ఉంది. ‘చలే చలో’, ‘ఇండియన్‌2’, ‘థ్యాంక్‌ గాడ్‌’ చిత్రాలతో పాటు, తెలుగులో చంద్రశేఖర్‌ యేలేటి దర్శకత్వంలో ఓ చిత్రంలో నటిస్తోంది. 

 


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని