Published : 24 May 2020 10:22 IST

సంగీత్‌లో పూజాహెగ్డే సందడి..!

ఫొటోలు షేర్‌ చేసిన నటి

హైదరాబాద్‌: బుట్టబొమ్మ పూజాహెగ్డే సంగీత్‌లో సందడి చేశారు. చేతికి మెహందీ పెట్టుకుని వధువుగా ముస్తాబై చూపరులను ఆకట్టుకున్నారు. బంగారు వర్ణపు దుస్తుల్లో మెరిసిపోయారు. కానీ ఇది నిజ జీవితంలో కాదండి.. ఓ సినిమాలో మాత్రమే..!! లాక్‌డౌన్‌ కారణంగా షూటింగ్స్‌ మిస్‌ అవుతోన్న పూజా.. వివిధ సెట్స్‌లో పలు సందర్భాల్లో దిగిన ఫొటోలను సోషల్‌మీడియా వేదికగా అభిమానులతో పంచుకుంటున్నారు. తాజాగా పూజాహెగ్డే.. తాను నటించిన ‘హౌస్‌ఫుల్‌-4’ చిత్రానికి సంబంధించిన రెండు స్టిల్స్‌ను నెటిజన్లతో షేర్‌ చేసుకున్నారు. ఆ ఫొటోల్లో ఆమె పెళ్లికూతురి గెటప్‌లో కనిపించారు. ‘‘హౌస్‌ఫుల్‌-4’ చిత్రానికి సంబంధించిన ఓ మధుర జ్ఞాపకం. సంగీత్‌ డ్రెస్‌లో ఇలా..’ అని పేర్కొన్నారు. పూజా షేర్‌ చేసిన ఫొటోలు చూసిన నెటిజన్లు.. ‘వావ్‌, పూజా.. మీరు చాలా అందంగా ఉన్నారు, క్యూటీ’ అని కామెంట్లు చేస్తున్నారు.

‘అల.. వైకుంఠపురములో..’ చిత్రంతో ఈ ఏడాది ఆరంభంలోనే పూజా మంచి విజయాన్ని తన ఖాతాలో వేసుకున్నారు. అల్లు అర్జున్‌ కథానాయకుడిగా నటించిన ఈ చిత్రానికి త్రివిక్రమ్ శ్రీనివాస్‌ దర్శకత్వం వహించారు. ఇదిలా ఉండగా రాధాకృష్ణ దర్శకత్వంలో ప్రభాస్‌ కథానాయకుడిగా తెరకెక్కుతోన్న చిత్రంలో పూజా కథానాయికగా కనిపించనున్నారు. ఇటీవల ఈ సినిమా షూటింగ్‌ జార్జియాలో జరిగింది. దీనికి ‘జాన్‌’ అనే టైటిల్‌ ప్రచారంలో ఉంది. మరోవైపు అఖిల్‌ హీరోగా నటిస్తున్న ‘మోస్ట్‌ ఎలిజిబుల్‌ బ్యాచ్‌లర్‌’ చిత్రంలో పూజా హీరోయిన్‌గా సందడి చేయనున్నారు.


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని