సముద్ర గర్భంలో.. సరికొత్త లోకం

‘అవతార్‌’ చిత్రం.. అందులోని పండోరా గ్రహం.. అక్కడ నివసించే చిత్రమైన మనుషులు.. గాలిలో ఎగిరే డ్రాగన్‌ పక్షులు.. ఇలా అందులోని ప్రతి అంశం సినీ ప్రియుల మనసులపై చెరగని ముద్రవేశాయి. ఈ అపురూప దృశ్య కావ్యాన్ని తెరపై ఆవిష్కరించిన దర్శకుడు జేమ్స్‌ కామెరూన్‌. ఇప్పుడాయన ‘అవతార్‌: ది వే ఆఫ్‌ వాటర్‌’తో సముద్ర గర్భంలోని మరో సరికొత్త ఊహా ప్రపంచాన్ని ప్రేక్షకులకు పరిచయం చేసేందుకు సిద్ధమయ్యారు. ‘అవతార్‌’కు సీక్వెల్‌గా రూపొందిన చిత్రమిది. సామ్‌ వర్తింగ్టన్‌, జో సల్డానా, స్టీఫెన్‌ లాంగ్‌, క్లిఫ్‌ కర్టిస్‌ తదితరులు ప్రధాన పాత్రల్లో నటించారు. ఈ చిత్రం నుంచి ఓ కొత్త లుక్‌ విడుదల చేశారు. ఆ పోస్టర్‌లో నాయనాయికలిద్దరూ ఒకరినొకరు ఆప్యాయంగా చూసుకుంటూ కనిపించారు.