యోధుడు సిద్ధమయ్యాడు

‘షేర్షా’ చిత్రంలో కెప్టెన్‌ విక్రమ్‌ బత్రాగా నటించి మంచి విజయాన్ని అందుకున్నాడు సిద్ధార్థ్‌ మల్హోత్ర. ధైర్యం నిండిన ఆర్మీ అధికారిగా అదరగొట్టిన సిద్ధార్థ్‌ మరోసారి గన్‌పట్టి యాక్షన్‌ సత్తా చూపించబోతున్నాడు. కరణ్‌జోహార్‌ దర్శకత్వంతో వస్తోన్న ఈ సినిమాని వచ్చే ఏడాది జులై7న విడుదల చేయనున్నట్లు గురువారం చిత్రబృందం ప్రకటించింది. సాగర్‌ అంబ్రే, పుష్కర్‌ ఓజా దర్శకత్వం వహిస్తున్న ఈ చిత్రంలో దిశా పటానీ, రాశీ ఖన్నా నాయికలుగా నటిస్తున్నారు. ఈ ఇద్దరితో నటించడం సిద్ధార్థ్‌కు ఇదే తొలిసారి. ఈ సినిమా కోసం నాయికలిద్దరూ ప్రత్యేకంగా కష్టపడ్డారు. ఈ సినిమా చిత్రీకరణ చివరి దశకు చేరుకుంది. మరో తాజా సమాచారం ఏంటంటే ఈ చిత్రాన్ని ఫ్రాంచైజీగా మార్చడానికి సన్నాహాలు చేస్తున్నారట నిర్మాత కరణ్‌ జోహార్‌.