Ghani: ‘గని’ ప్రత్యేక గీతం ఫుల్‌ వీడియో.. తమన్నా డ్యాన్స్‌ అదిరింది!

ఇంటర్నెట్‌ డెస్క్‌: ఇప్పటికే పలు చిత్రాల్లోని ప్రత్యేక గీతాల్లో కనిపించి, ప్రేక్షకుల్ని ఉర్రూతలూగించిన తమన్నా ‘గని’తో మరోసారి సందడి చేసింది. వరుణ్‌తేజ్‌ హీరోగా రూపొందిన ఈ సినిమాలో ‘కొడితే’ అనే స్పెషల్‌ సాంగ్‌లో ఆమె నర్తించింది. ఇటీవల విడుదలైన లిరికల్‌ వీడియోకు మంచి స్పందన లభించగా చిత్ర బృందం తాజాగా ఫుల్ వీడియోను విడుదల చేసింది. ఎప్పటిలానే తమన్నా డ్యాన్స్‌ అందరినీ ఆకట్టుకునేలా ఉంది. రామజోగయ్యశాస్త్రి రచించిన ఈ పాటను హారికా నారాయణ్‌ ఆలపించింది. తమన్‌ స్వరాలందించారు. బాక్సింగ్‌ నేపథ్యంలో సాగే ఈ సినిమాలో వరుణ్‌కు జోడీగా సయీ మంజ్రేకర్‌ నటించింది. జగపతిబాబు, ఉపేంద్ర, నవీన్‌ చంద్ర, సునీల్‌శెట్టి తదితరులు కీలక పాత్రలు పోషించారు. కిరణ్‌ కొర్రపాటి దర్శకత్వం వహించారు. సిద్ధు ముద్ద, అల్లు బాబీ సంయుక్తంగా నిర్మించిన ఈ సినిమా ఏప్రిల్‌ 8న విడుదలకానుంది.