Super star Krishna: తాత ఫొటో చూసి రమేశ్‌ తనయుడి భావోద్వేగం

హైదరాబాద్‌: సూపర్‌స్టార్‌ కృష్ణ (Super star Krishna) కన్నుమూతతో ఘట్టమనేని కుటుంబంలో తీవ్ర విషాదం నెలకొంది. మంగళవారం ఉదయం కృష్ణ తుది శ్వాస విడిచిన అనంతరం కుటుంబసభ్యులు, అభిమానుల సందర్శన తర్వాత బుధవారం మధ్యాహ్నం అంతిమ సంస్కారాలు నిర్వహించారు. అయితే, తన తాతయ్యను కడసారి చూసుకోలేకపోయినందుకు కృష్ణ పెద్ద కుమారుడు రమేశ్‌ బాబు తనయుడు జయకృష్ణ తీవ్ర భావోద్వేగానికి గురయ్యాడు. అమెరికాలో ఉంటోన్న జయకృష్ణ నిన్న అర్ధరాత్రి సమయంలో ఇంటికి చేరుకున్నాడు. అప్పటికే కార్యక్రమాలన్నీ పూర్తి కావడంతో అతడు కాస్త ఎమోషనల్‌ అయ్యాడు. కృష్ణ చిత్రపటానికి పూలమాల వేసి నివాళులర్పించాడు. ఘట్టమనేని కుటుంబం గురువారం మధ్యాహ్నం హైదరాబాద్‌లోని ఫిలింనగర్‌ కల్చరల్‌ క్లబ్‌లో సంతాప కార్యక్రమాన్ని ఏర్పాటు చేసింది. కేవలం కుటుంబసభ్యులు, సినీ పరిశ్రమకు చెందిన కొద్దిమంది ప్రముఖులు మాత్రమే ఈ కార్యక్రమానికి హాజరయ్యారు. కృష్ణ జ్ఞాపకాలను నెమరువేసుకున్నారు.