God Se: సత్యదేవ్‌ ‘గాడ్సే’, కార్తి ‘విరుమన్‌’.. విడుదల ఎప్పుడంటే?

ఇంటర్నెట్‌ డెస్క్‌: సత్యదేవ్‌ హీరోగా రూపొందిన యాక్షన్‌ థ్రిల్లర్‌ ‘గాడ్సే’ విడుదల వాయిదా పడింది. మే 20న ప్రేక్షకుల ముందుకురావాల్సిన ఈ సినిమా జూన్‌ 17న విడుదల కానుంది. ఈ విషయాన్ని సోషల్‌ మీడియా వేదికగా చిత్ర బృందం వెల్లడించింది. ‘బ్లఫ్‌ మాస్టర్‌’ తర్వాత సత్యదేవ్‌- దర్శకుడు గోపీ గణేష్‌ కాంబినేషన్‌లో తెరకెక్కిన రెండో చిత్రమిది. సి.కల్యాణ్‌ నిర్మించిన ఈ సినిమాలో ఐశ్వర్య లక్ష్మి కథానాయిక. ఈ సినిమాకి సంగీతం: సునీల్‌ కశ్యప్‌, ఛాయాగ్రహణం: ఎస్‌.సురేశ్‌.

విరుమన్‌ ఆగమనం ఆ రోజే

ముత్తయ్య దర్శకత్వంలో కార్తి నటిస్తున్న చిత్రం ‘విరుమన్‌’. 2డీ ఎంటర్‌టైన్‌మెంట్స్‌ పతాకంపై సూర్య, జ్యోతిక సంయుక్తంగా నిర్మిస్తున్నారు. గ్రామీణ నేపథ్యంలో సాగే మాస్‌ యాక్షన్‌ డ్రామా కథాంశంతో రూపొందుతున్న ఈ సినిమా ఆగస్టు 31న విడుదలకానుంది. సామాజిక మాధ్యమం ద్వారా ఇదే విషయాన్ని తెలియజేస్తూ చిత్ర బృందం ఓ పోస్టర్‌ను పంచుకుంది. ఇందులో కార్తి కళ్లద్దాలు పెట్టుకుని, నవ్వుతూ కనిపించారు.

► Read latest Movies News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.