Good Luck Sakhi: సఖి.. మళ్లీ వెనక్కి

కీర్తి సురేష్‌ ప్రధాన పాత్రలో నటించిన ‘గుడ్‌లక్‌ సఖి’ చిత్రం మరోసారి వాయిదా పడింది. ఈ సినిమాని ఈనెల 26న విడుదల చేయనున్నట్లు ఇటీవలే ప్రకటించారు. ఇప్పుడీ చిత్రాన్ని డిసెంబర్‌ 10న విడుదల చేయనున్నట్లు చిత్ర బృందం ప్రకటించింది. ఈ మేరకు సామాజిక మాధ్యమాల వేదికగా ఓ ప్రకటన విడుదల చేసింది. ‘‘థియేటర్ల సమస్య ఏర్పడకుండా ఉండేందుకు, భారీ ఎత్తున చిత్రాన్ని విడుదల చేసేందుకు.. ఇలా అన్ని కోణాల్లో ఆలోచించి ఈ నిర్ణయం తీసుకున్నాం. డిసెంబర్‌ 10 సరైన తేదీ అనుకున్నాం’’ అని ఆ ప్రకటనలో పేర్కొన్నారు. నగేష్‌ కుకునూర్‌ తెరకెక్కించిన ఈ స్పోర్ట్స్‌ డ్రామా చిత్రాన్ని సుధీర్‌ చంద్ర పదిరి నిర్మించారు. దిల్‌రాజు సమర్పిస్తున్నారు.