గోపీ చంద్‌ ‘సీటీమార్‌’ టీజర్‌ అదుర్స్‌

హైదరాబాద్‌:  గోపీచంద్‌ కథానాయకుడిగా సంపత్‌ నంది దర్శకత్వంలో తెరకెక్కుతున్న స్పోర్ట్స్‌ డ్రామా ‘సీటీమార్‌’. తమన్నా కథానాయిక. కబడ్డీ నేపథ్యంలో తెరకెక్కుతున్న  ఈ సినిమా షూటింగ్‌ దాదాపు పూర్తయింది. ఈ నేపథ్యంలో సోమవారం చిత్ర టీజర్‌ను విడుదల చేశారు. గోపీచంద్‌-తమన్నాలు కబడ్డీ కోచ్‌లుగా కనిపించనున్నారు.

ప్రస్తుతం నిర్మాణానంతర కార్యక్రమాలు జరుపుకొంటున్న ఈ సినిమా ఏప్రిల్‌ 2న ప్రేక్షకుల ముందుకు రానుంది. మణిశర్మ స్వరాలు సమకూరుస్తున్న ఈ సినిమాను సిల్వర్‌ స్క్రీన్‌ పతాకంపై శ్రీనివాసా చిట్టూరి నిర్మిస్తున్నారు. క్రీడా నేపథ్యంతో పాటు, గుండెలను పిండేసే భావోద్వేగాలను సినిమాను తెరకెక్కించినట్లు చిత్ర బృందం తెలిపింది.