NTR 30: ‘ఎన్టీఆర్‌ 30’.. సెట్స్‌పైకి ఆరోజే?

‘ఆర్‌ఆర్‌ఆర్‌’ సినిమా పూర్తి చేసి కాస్త విరామం తీసుకున్నారు కథానాయకుడు ఎన్టీఆర్‌. ఇప్పుడాయన కొరటాల శివ చిత్రాన్ని పట్టాలెక్కించేందుకు సిద్ధమయ్యారు. ఇది తారక్‌ నటించనున్న 30వ సినిమా. పాన్‌ ఇండియా స్థాయిలో

Updated : 31 Jan 2022 08:06 IST

‘ఆర్‌ఆర్‌ఆర్‌’ సినిమా పూర్తి చేసి కాస్త విరామం తీసుకున్నారు కథానాయకుడు ఎన్టీఆర్‌. ఇప్పుడాయన కొరటాల శివ చిత్రాన్ని పట్టాలెక్కించేందుకు సిద్ధమయ్యారు. ఇది తారక్‌ నటించనున్న 30వ సినిమా. పాన్‌ ఇండియా స్థాయిలో రూపొందనుంది. నందమూరి కల్యాణ్‌రామ్‌, సుధాకర్‌ మిక్కిలినేని సంయుక్తంగా నిర్మిస్తున్నారు. ఇప్పటికే అధికారికంగా ప్రకటించిన ఈ చిత్రాన్ని.. ఫిబ్రవరి తొలి వారంలో పూజా కార్యక్రమాలతో లాంఛనంగా ప్రారంభించనున్నట్లు సమాచారం. ఇందుకోసం ఫిబ్రవరి 7న ముహూర్తం ఖరారు చేసినట్లు తెలిసింది. కొరటాల శైలి సామాజిక అంశాలతో.. చక్కటి యాక్షన్‌ ఎంటర్‌టైనర్‌గా ఈ సినిమా రూపొందనున్నట్లు తెలుస్తోంది. ఈ చిత్రం కోసం ఎన్టీఆర్‌ తన శరీరాకృతిని మార్చుకుంటున్నట్లు ప్రచారం వినిపిస్తోంది. ఇందుకోసం ప్రస్తుతం ఆయన బరువు తగ్గే ప్రయత్నాల్లో ఉన్నట్లు వార్తలు వినిపిస్తున్నాయి. ఇందులో తారక్‌కు జోడీగా అలియా భట్‌ కనిపించనుందట. అనిరుధ్‌ను సంగీత దర్శకుడిగా ఖరారు చేసినట్లు తెలిసింది. ‘జనతా గ్యారేజ్‌’ లాంటి హిట్‌ తర్వాత ఎన్టీఆర్‌ - కొరటాల కలయిక నుంచి వస్తున్న చిత్రం కావడంతో.. దీనిపై ప్రేక్షకుల్లో భారీ అంచనాలు నెలకొన్నాయి.

Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని