చిత్రసీమకు ‘గురువుగారు’!
సినిమాకి ‘కెప్టెన్ ఆఫ్ ది షిప్..’ దర్శకుడే అని అందరూ చెబుతారు. కానీ అదే నిజం అని చేతల్లో చూపించిన దర్శక శిఖరం... దాసరి నారాయణరావు. వెండితెరపై కథానాయకులుగా మెరుస్తూ ఓ ఇమేజ్ని ఏర్పాటు చేసుకొంటేనే స్టార్ అవుతారు కదా? తెర వెనక ఉంటూ
సినిమాకి ‘కెప్టెన్ ఆఫ్ ది షిప్..’ దర్శకుడే అని అందరూ చెబుతారు. కానీ అదే నిజం అని చేతల్లో చూపించిన దర్శక శిఖరం... దాసరి నారాయణరావు. వెండితెరపై కథానాయకులుగా మెరుస్తూ ఓ ఇమేజ్ని ఏర్పాటు చేసుకొంటేనే స్టార్ అవుతారు కదా? తెర వెనక ఉంటూ మెగాఫోన్కే పరిమితమయ్యే దర్శకులకి ఆ స్థాయి గుర్తింపు ఎక్కడ సాధ్యం? ముమ్మాటికీ సాధ్యమే అంటూ ఓ స్టార్గా వెలిగిన దర్శకరత్నం... దాసరి. ఈరోజు ఆయన వర్ధంతి మే 30న. ఈ సందర్భంగా దాసరి గురించి కొన్ని విశేషాలు...
కథానాయకులకే కథానాయకుడిగా, తెరపై మెరిసే అగ్ర తారల్ని మించిపోయే స్థాయిలో ఆయన ఇమేజ్ కనిపించిందంటే దాసరి ప్రత్యేకత ఏమిటో చెప్పొచ్చు. అందుకే తెలుగు సినిమాని దాసరికి ముందు... దాసరి తరువాత అని విడదీసి చూస్తుంటారు. అప్పటిదాకా కథానాయకుల వెనకాలే కాన్వాయ్లు చూడటం తెలుసు. కానీ దాసరి విజయాల పరంపర తరువాత ఆయన మద్రాసు నుంచి హైదరాబాద్ వస్తున్నాడంటే విమానంలో డజను కార్లతో ఓ కాన్వాయ్ సిద్ధంగా ఉండేదంటే ఆ వైభవం ఎలాంటిదో అర్థం చేసుకోవచ్చు.
మేరునగధీరుల్లాంటి ఎంత మంది దర్శకులున్నా... అపురూపమైన ఎన్నెన్నో చిత్రరాజాలు తీసినా... దర్శకుడికి స్టార్ హోదా తీసుకొచ్చి, కెప్టెన్ కుర్చీకి ఓ కొత్త కళని తీసుకొచ్చిన ఘనత మాత్రం నిస్సందేహంగా దాసరిదే. అందుకే ఆయన పరిశ్రమకి ‘గురువుగారు’ అయ్యారు. సినీ పరిశ్రమలో ఎవరికి ఏ సమస్య వచ్చినా గురువుగారి తలుపు తట్టడమే తెలుసు. కథానాయకులకే కథానాయకుడిగా, తెరపై మెరిసే అగ్ర తారల్ని మించిపోయే స్థాయిలో ఆయన ఇమేజ్ కనిపించిందంటే దాసరి ప్రత్యేకత ఏమిటో చెప్పొచ్చు.
అందుకే తెలుగు సినిమాని దాసరికి ముందు.
తెలుగు సినిమా కథని కొత్త పుంతలు తొక్కించిన దర్శకుడు దాసరి. ఆయన సినిమాల్లో సామాన్యుడే కథానాయకుడు. వారి కష్టాలే కథలు. ఈతి బాధలే కథనం. అందుకే ఆయన సినిమాలు ప్రేక్షకుల మనసుల్లో ప్రత్యేకమైన స్థానాన్ని సంపాదించుకొన్నాయి. మా సమస్యలతో సినిమాలు తీసే దర్శకుడు అంటూ దాసరిని అభిమానించడం మొదలుపెట్టారు. సమస్యలతో సినిమా అంటే డాక్యుమెంటరీలనే ఊహిస్తాం. కానీ వాటిలోనూ తనదైన శైలిలో వాణిజ్యాంశాల్ని జోడించి సినిమాలు తీశారు దాసరి. సమాజంలో అవినీతి, మహిళలపై చిన్నచూపు, అమ్మ ప్రాధాన్యత, బంధాలు, అనుబంధాలు... ఇలా జీవితాల్లోని కోణాల్నే వెండితెరపై స్పృశించారు. ఎన్టీఆర్, ఏఎన్నార్లాంటి ఉద్ధండుల సినీ జీవితాల్ని మలుపు తిప్పేలా చిత్రాల్ని తీసిన ఘనత ఆయనది. తెలుగుతో పాటు, తమిళం, కన్నడ, హిందీ భాషల్లోనూ పలు చిత్రాలు తెరకెక్కించి దేశవ్యాప్తంగా గుర్తింపు తెచ్చుకొన్నారు. సినిమా నిర్మాణంతో పాటు, టెలివిజన్ రంగంలోనూ నిర్మాతగా, రచయితగా, దర్శకుడిగా రాణించారు.
పశ్చిమ గోదావరి జిల్లా, పాలకొల్లులో 1944 మే 4న సాయిరాజు, మహాలక్ష్మి దంపతులకి జన్మించిన దాసరి నారాయణరావు 1973లో హాస్యనటుడిగా చిత్ర పరిశ్రమలోకి అడుగుపెట్టారు. ఆ తరువాత రచయితగా, సహాయ దర్శకుడిగా, దర్శకుడిగా, నిర్మాతగా, పంపిణీదారుడిగా ప్రతి విభాగంలోనూ రాణించారు. ఆయనకి ఇద్దరు కుమారులు తారక ప్రభు, అరుణ్ కుమార్తోపాటు ఒక కుమార్తె ఉన్నారు. సుదీర్ఘమైన దాసరి సినీ ప్రయాణంలో అడుగడుగునా తోడునీడగా నిలిచిన భార్య దాసరి పద్మ 2011లో మరణించారు.
* అడుగడుగునా కష్టాలే...
సామాన్యుడి జీవితాల్నే కథా వస్తువులుగా చేసి సినిమాల్ని తెరకెక్కించడానికి దాసరి జీవిత నేపథ్యం కూడా ఓ కారణమే అంటుంటారు చాలామంది. దాసరి నారాయణరావు ఏడో తరగతిలో ఉండగానే తండ్రి చేస్తున్న వ్యాపారంలో నష్టపోవడంతో కుటుంబాన్ని కష్టాలు చుట్టుముట్టాయి. దాంతో అయిష్టంగానే చదువుకి స్వస్తి చెప్పి ఓ వడ్రంగి దగ్గర కూలి పనిలో చేరారు. చదువుల్లో చురుకైన దాసరి కూలీ పని చేస్తుండడాన్ని గమనించిన క్లాసు టీచరు చేరదీసి, స్థానికంగా కొంతమంది నుంచి ఆర్థిక సహాయాన్ని సేకరించి ఎస్.ఎస్.ఎల్.సి దాకా చదివించారు. ఆ తరువాత మళ్లీ చదువులు ఆగిపోవడంతో హైదరాబాద్ చేరుకొని చిన్న చిన్న ఉద్యోగాలు చేశారు. తిరిగి నర్సాపురం వెళ్లి డిగ్రీ పూర్తి చేశారు. కాకినాడలో ఎస్.ఎన్.బ్రదర్స్ సంస్థలో చేశాక, అదే సంస్థకి చెందిన హైదరాబాద్ కార్యాలయంలో అసిస్టెంట్ మేనేజర్గానూ పనిచేశారు. తర్వాత హిందూస్థాన్ ఏరో నాటికల్స్లో ఛీప్ సూపరింటెండ్కి కార్యదర్శిగా పనిచేశారు.
* నాటకాలపై మక్కువతో...
చిన్నప్పట్నుంచే నాటకాలపైనా, సాహిత్యంపైనా మక్కువ పెంచుకొన్న దాసరి ఏడో తరగతిలోనే ‘నేనూ.. నా స్కూలు’ పేరుతో 15 నిమిషాల నాటిక రాశారు. 1962లో ప్రణాళికా ప్రచారంపై హైదరాబాదులో జరిగిన నాటక పోటీలో రాష్ట్ర ఉత్తమ నటుడిగా బహుమతి పొందారు. 1960వ దశకంలోనే శ్రీ క్షీరారామ ఆర్ట్స్ థియేటర్ స్థాపించి పలు ప్రదర్శనలిచ్చారు. ‘పన్నీరు-కన్నీరు’, ‘పద్మశ్రీ’, ‘యథార్థవాది’, ‘ఏప్రిల్ ఫూల్స్’, ‘నలిగిన రోజా’, ‘దేశం కోసం’ నాటకాలు రచించారు. దాసరి ప్రదర్శనల్ని చూసి హృషీకేష్ పిక్చర్స్ అధినేత వై.వి.కృష్ణయ్య ‘అందం కోసం పందెం’ చిత్రంలో ప్రధాన హాస్యనటుడి పాత్రని ఇచ్చారు. ఆ చిత్రం కోసం మద్రాసు వెళ్లడానికి హిందూస్థాన్ ఏరో నాటికల్స్లో రెండు నెలలు సెలవు అడిగితే ఇవ్వలేదు. దాంతో ఉద్యోగానికి రాజీనామా చేసి మద్రాసు వెళ్లిపోయారు. కేవలం ఆ పాత్రతోనే సరిపెట్టుకోకుండా ఆ చిత్రానికి సహాయ దర్శకుడిగా, ప్రొడక్షన్ మేనేజరుగా కూడా పనిచేశారు. దాసరి తపనని గమనించిన హృషీకేష్ పిక్చర్స్ మేనేజర్ నారాయణస్వామి ఇచ్చిన సలహాతో బి.ఎన్.రెడ్డి తీస్తున్న ‘రంగుల రాట్నం’కు రచయితగా పనిచేస్తున్న పాలగుమ్మి పద్మరాజు దగ్గర సహాయకుడిగా చేరారు. ఆయన దగ్గరే రచనకి సంబంధించిన మెలకువల్ని నేర్చుకొన్నారు. అదే సమయంలో టైపిస్టుగా, అకౌంటెంట్గా, హిందీ, తెలుగు ట్యూషన్ మాస్టర్గా కూడా పనిచేశారు.
* తొలి అవకాశం...
గౌరి ప్రొడక్షన్స్ భావనారాయణ తాను తీస్తున్న ‘పర్వతాలు పానకాలు’ చిత్రానికి రచయితగా దాసరికి తొలి అవకాశం ఇచ్చారు. అయితే ఆ సినిమా నిర్మాణం మధ్యలోనే ఆగిపోయింది. ఆ తరువాత ‘మహమ్మద్ బిన్ తుగ్లక్’, ‘జగత్ కిలాడీలు’, ‘జగజ్జెట్టీలు’, ‘దేవాంతకులు’, ‘స్నేహబంధం’ సినిమాలకి కథకుడిగా, సంభాషణల రచయితగా వ్యవహరించారు. గౌరి ప్రొడక్షన్స్లోనే ‘మా నాన్న నిర్దోషి’ చిత్రానికి తొలిసారిగా సహాయ దర్శకుడిగా పనిచేశారు. ఆపైన సావిత్రి, భీమ్సింగ్, వేదాంతం రాఘవయ్య, కె.వి.నందనరావు, లక్ష్మీదీపక్ల వద్ద దర్శకత్వ శాఖలో పనిచేశారు. భీమ్సింగ్ దగ్గర స్థిరపడ్డ సమయంలోనే ‘తాత మనవడు’ చిత్రాన్ని తెరకెక్కించే అవకాశం వచ్చింది. నిర్మాత కె.రాఘవ నిర్మించిన ఆ చిత్రం ఘన విజయం సాధించడంతో దాసరి నారాయణరావు పేరు మార్మోగిపోయింది. ఆ తరువాత అవకాశాలు, విజయాలు వరుసకట్టాయి. 1973 నుంచి దర్శకుడిగా కొనసాగుతున్న ఆయన 151 చిత్రాల్ని తెరకెక్కించారు. సుమారు 60కి పైగా చిత్రాల్లో నటించారు. మాటల రచయితగా, పాటల రచయితగా దాసరికి ప్రత్యేకమైన గుర్తింపు ఉంది. 1978లో తారక ప్రభు ఫిలింస్ పేరుతో సొంతంగా నిర్మాణ సంస్థను ఏర్పాటు చేశారు. మొట్ట మొదటగా జయసుధ కథానాయికగా ‘శివరంజని’ తెరకెక్కించారు. ఇక ఆ తరువాత వెనుదిరిగి చూసుకోలేదు. 53 చిత్రాల్ని నిర్మించారాయన. నటుడిగా కూడా దాసరి చిత్ర పరిశ్రమపై తిరుగులేని ప్రభావం చూపించారు. ‘ఈ పాత్రని మరొకరు చేయలేరని అనుకొన్న ప్రతిసారీ నేనే మేకప్ వేసుకొని కెమెరా ముందుకొస్తుంటా’ అని చెప్పేవారు దాసరి. ‘ఎమ్మెల్యే ఏడుకొండలు’, ‘పోలీసు వెంకటస్వామి’, ‘ఆత్మ బంధువు’, ‘మామ అల్లుడు’, ‘అమ్మ రాజీనామా’, ‘సూరిగాడు’, ‘మామగారు’, ‘రగులుతున్న భారతం’, ‘ఒసేయ్ రాములమ్మా’, ‘కంటే కూతుర్నే కను’, ‘మేస్త్రి’, ‘హిట్లర్’ తదితర చిత్రాల్లో దాసరి అత్యుత్తమ నటనని ప్రదర్శించారు. దాసరి సుదీర్ఘమైన సినీ ప్రయాణంలో ఆణిముత్యాల్లాంటి పలు సినిమాలు తెరకెక్కించారు దాసరి. ‘తాత మనవడు’, ‘ఎవరికి వారే యమునా తీరే’, ‘రాధమ్మ పెళ్ళి’, ‘తిరుపతి’, ‘స్వర్గం నరకం’, ‘బలిపీఠం’, ‘భారతంలో ఒక అమ్మాయి’, ‘శివరంజని’, ‘గోరింటాకు’, ‘నీడ’, ‘సర్దార్ పాపారాయుడు’, ‘శ్రీవారి ముచ్చట్లు’, ‘మేఘసందేశం’, ‘శివరంజని’, ‘ప్రేమాభిషేకం’, ‘తాండ్రపాపారాయుడు’, ‘బొబ్బొలిపులి’, ‘ఎమ్మెల్యే ఏడుకొండలు’, ‘కంటే కూతుర్నే కను’, ‘తిరుగుబాటు’, ‘మజ్ను’, ‘అమ్మ రాజీనామా’, ‘ఒరేయ్ రిక్షా’, ‘ఒసేయ్ రాములమ్మా’ తదితర చిత్రాలు తెలుగు సినిమా చరిత్రలో ఎప్పటికీ నిలిచిపోతాయి. తాను తెరకెక్కించిన ‘బొబ్బిలిపులి’, ‘సర్దార్ పాపారాయుడు’ చిత్రాలే ఎన్టీఆర్ రాజకీయ రంగ ప్రవేశానికి బాటలు వేశాయని చెప్పేవారాయన. 1983లో దాసరి తెరకెక్కించిన ‘మేఘ సందేశం’ చిత్రానికి రాష్ట్ర ప్రభుత్వం నుంచి తొమ్మిది నంది పురస్కారాలు లభించాయి. కేంద్రప్రభుత్వం ఉత్తమ ప్రాంతీయ చిత్రంగా రజత కమలం అందుకుంది. ఇదే చిత్రానికిగానూ ఉత్తమ సంగీత దర్శకుడిగా రమేష్ నాయుడు, ఉత్తమ గాయకుడిగా జేసుదాసు, ఉత్తమ గాయనిగా సుశీలకి జాతీయ పురస్కారాలు లభించాయి. 1999లో స్వయంగా నిర్మించి తెరకెక్కించిన ‘కంటే కూతుర్నే కను’ చిత్రానికి జాతీయ పురస్కారంతో పాటు, రాష్ట్ర ప్రభుత్వం నంది అవార్డు కూడా లభించాయి.
* పరిశ్రమనిండా శిష్యగణమే
చిత్ర పరిశ్రమలో దాసరిని ప్రేమతో ‘గురువుగారూ...’ అని సంబోధించేవాళ్లే ఎక్కువ. ఆ పిలుపుకు తగ్గట్టుగానే పరిశ్రమలో దాసరి శిష్యగణం కనిపిస్తుంటుంది. దర్శకుల్లోనూ, నటుల్లోనూ, నిర్మాతల్లోనూ... ఇలా ఎక్కడ చూసినా దాసరి శిష్యులే కనిపిస్తుంటారు. వందకిపైగా సినిమాలు చేసిన కోడి రామకృష్ణతోపాటు, రవిరాజా పినిశెట్టి, కె.మురళీమోహన్రావు, రేలంగి నరసింహారావు, ధవళ సత్యం, కె.ఎస్.రవికుమార్, సురేష్కృష్ణ, సత్యానాయుడు తదితర ప్రముఖులంతా కూడా దాసరి శిష్యులే. నటుల్లో మోహన్బాబు, అన్నపూర్ణమ్మ, ఈశ్వరరావు, ఆర్.నారాయణమూర్తి తదితర ప్రముఖులు కూడా దాసరి చిత్రాలతో పరిచయమైనవాళ్లే. వందల సంఖ్యలో నటీనటులు, సాంకేతిక నిపుణులకి అవకాశాల్ని కల్పించి జీవితాన్నిచ్చారు దాసరి. అందుకే ఆయనంటే పరిశ్రమలో అందరికీ గురుభక్తి. నటులుగా ఎంత ఎత్తుకి ఎదిగినా గురువుగారూ.. అంటూ దాసరి దగ్గరికి వెళ్లడం ఆయన శిష్యులకి అలవాటు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
Puneeth Rajkumar: పునీత్ బయోపిక్ తీసే ప్రయత్నం చేస్తా!
కోట్లాది మంది అభిమానుల హృదయాల్లో చోటు సంపాదించుకున్న దివంగత నటుడు పునీత్ రాజ్ కుమార్ బయోపిక్ ప్రస్తుతం చర్చనీయాంశంగా మారింది. నటుడిగా మెప్పించడమే కాదు.. నిజజీవితంలో తన సేవా కార్యక్రమాల ద్వారా ప్రజల మనసులో చెరగని ముద్ర వేశారాయన. -
Puneeth Rajkumar: పునీత్ కళ్లతో నలుగురికి కంటిచూపు
కన్నడ పవర్ స్టార్ పునీత్ రాజ్కుమార్ హీరోగానే కాదు.. సేవల ద్వారా ప్రజలకు చేరువయ్యారు. బతికున్నంత కాలం ఎంతో మంది ఆదుకుని ‘పునీత’డనిపించుకున్న ఆయన.. చనిపోతూ కూడా నలుగురి జీవితాల్లో వెలుగునింపారు. -
Sonusood: ఇకపై ఉచితంగా ఈఎన్టీ సర్జరీలు
చెవి, ముక్కు, గొంతుకు సంబంధించిన ఈఎన్టీ సర్జరీలను ఉచితంగా ‘సోనూ ఛారిటీ ఫౌండేషన్’ ద్వారా అందిస్తున్నట్లు మంగళవారం ఇన్స్టాగ్రామ్ వేదికగా ప్రకటించారు. -
ఆమంచి... మా మంచి హాస్య నటుడు
ఆయనని తలచుకోగానే మనకు తెలీకుండా పెదాలపై చిరునవ్వులు చిందుతాయి. ఎన్ని బాధల్లో ఉన్నా చిటికలో మనసు ఉల్లాసభరితమవుతుంది. ఉత్సాహం ఉరకలెత్తుతుంది. ఆయన మంచి హాస్యానికి అసలు సిసలైన చిరునామా. అందుకే... అంటారు ప్రేక్షకులంతా -
అసంపూర్ణ చిత్రం...ఉదయ్ కిరణ్
ఉదయించి మధ్యాహ్నానికి చేరకుండానే... మబ్బులు కమ్మి చిక్కటి చీకట్లు అలముకున్నట్టు అర్ధాంతరంగా అంతర్ధానమైన ఓ కిరణం గురించి తలచుకుంటేనే గుండెలు బరువెక్కుతాయి. కన్నీళ్లు కనురెప్పల్ని తడిమేస్తాయి. ఎంతో ఉజ్వల భవిష్యత్ ఉన్న ఓ యువకుడు... -
ఒకే మార్గం...ఒకే లక్ష్యం...పరచూరి బ్రదర్స్
ఔను... వారిద్దరి దేహాలు వేరయినా ఆత్మ ఒకటే. చేపట్టిన వృత్తి ఒకటే. చేరుకోవాలన్న లక్ష్యం ఒక్కటే. తెలుగు చిత్ర సీమలో 350కి పైగా చిత్రాలకు కధలు, మాటలు అందించిన రచయితల ద్వయం పేరు... పరచూరి బ్రదర్స్. ఒంటి పేర్లతో కాకుండా కేవలం ఇంటి పేరుతోనే -
బుర్రిపాలెం బుల్లోడు... అద్భుతాల అసాధ్యుడు
అతడొక అసాధ్యుడు. అసాధ్యుడే కాదు అఖండుడు కూడా. ఉంగరాల జుట్టుతో, ఊరించే కన్నులతో నూటొక్క జిల్లాలకి అందగాడు. హేమహేమీలుగా వున్న ఎన్టీఆర్, ఏయన్నార్లు చలనచిత్ర రంగాన్ని ఏలుతున్న సమయంలో అడుగుపెట్టి, సాహసమే ఊపిరిగా, పట్టుదలే -
తలకట్టు కనికట్టు... కోడి రామకృష్ణ
ఎప్పుడూ తెల్లని దుస్తులు... దర్శకత్వం చేస్తున్నప్పుడు మాత్రం తలకో కట్టు. ఆ కట్టుతోనే కనికట్టు చేసి తన సినిమాల్ని విజయవంతం చేసుకున్నారాయన. హెడ్ బాండ్ లేని కోడి రామకృష్ణను ఊహించలేం. షూటింగ్ స్పాట్కి వచ్చిన ఆయన నుదుటి చుట్టూ ఓ కట్టు కడితే -
సాహిత్య మారుతి... గొల్లపూడి
ఆయన ఒక కథా రచయిత, ఒక నవలా రచయిత, ఒక రంగస్థల నాటక రచయిత, ఒక వక్త, ఒక పాత్రికేయుడు, ఒక సినిమా రచయిత, ఒక సినిమా నటుడు, ఒక బుల్లితెర ప్రయోక్త. ఆ బహుముఖ ప్రజ్ఞాశాలి గొల్లపూడి మారుతీరావు. ఈ-టీవీ వారు నిర్వహించిన ‘ప్రతిధ్వని’ -
భాగ్యనగర సినీ భగీరథుడు... అక్కినేని
1945లో పూర్తిస్థాయి నటుడిగా ‘మాయాలోకం’లో విహరించిన అక్కినేని, పల్లెటూరి నేపధ్యంలో నటించిన మొదటి చిత్రం దర్శక నిర్మాత బి.ఏ.సుబ్బారావు నిర్మించిన ‘పల్లెటూరిపిల్ల’గా చెప్పవచ్చు. అక్కినేనికి ఇది 12వ చిత్రం కాగా, ఎన్.టి.ఆర్తో కలిసి నటించిన మొదటి మల్టీ -
వెండితెరపై... సీమ పెతాపం
రాయలసీమ... తెలంగాణ... నెల్లూరు...యాస ఏదైనా సరే... ఆయన నోటి నుంచి వచ్చిందంటే ‘లెస్స పలికారు’ అంటూ చప్పట్లు కొట్టాల్సిందే! ప్రతినాయకుడిగానైనా... హాస్య పాత్రలైనా... ఆయన చేశారంటే... వాటిలో హావభావాలు పోత పోసినట్టే! విలక్షణ నటనకి నిలువెత్తు రూపంలా కనిపించే ఆయనే... జయప్రకాష్రెడ్డి. తెలుగు చిత్ర పరిశ్రమలో అందరూ జేపీగా పిలుచుకునే ఆయన స్థానం ఎప్పటికీ ప్రత్యేకమైనది.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (26/04/24)
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
-
‘హీరామండీ’తో నా కల నెరవేరింది: సోనాక్షి సిన్హా