తలకట్టు కనికట్టు... కోడి రామకృష్ణ
ఎప్పుడూ తెల్లని దుస్తులు... దర్శకత్వం చేస్తున్నప్పుడు మాత్రం తలకో కట్టు. ఆ కట్టుతోనే కనికట్టు చేసి తన సినిమాల్ని విజయవంతం చేసుకున్నారాయన. హెడ్ బాండ్ లేని కోడి రామకృష్ణను ఊహించలేం. షూటింగ్ స్పాట్కి వచ్చిన ఆయన నుదుటి చుట్టూ ఓ కట్టు కడితే
ఇన్స్పైర్ అవొచ్చు... ఇమిటేట్ చేయకూడదు. ఫ్రేమ్ మార్చొచ్చు... వేంకటేశ్వరుడి బొమ్మ మార్చకూడదు. కన్విక్షన్ మార్చకూడదు... డెకరేషన్ మార్చుకోవచ్చు. సెంటిమెంట్ మారకూడదు. డైనింగ్ టేబుల్ మీద తినే డిష్ మారకూడదు. డిష్ మాత్రం మన నేటివిటీకి తగ్గట్లు అదే ఆవకాయ, పప్పు, అన్నం ఉండాలి. - దర్శకుడు కోడి రామకృష్ణ.
ఎప్పుడూ తెల్లని దుస్తులు... దర్శకత్వం చేస్తున్నప్పుడు మాత్రం తలకో కట్టు. ఆ కట్టుతోనే కనికట్టు చేసి తన సినిమాల్ని విజయవంతం చేసుకున్నారాయన. హెడ్ బాండ్ లేని కోడి రామకృష్ణను ఊహించలేం. షూటింగ్ స్పాట్కి వచ్చిన ఆయన నుదుటి చుట్టూ ఓ కట్టు కడితే చాలు... ఆయనలోని దర్శకుడు అలర్ట్ అయిపోయినట్లే. సీన్ పేపర్ చూడడం...చక చకా చిత్రీకరించడం...అదీ ఆయన స్టైల్. దర్శకుడిగా కోడి రామకృష్ణకి ఎంత పేరు వచ్చిందో...అంతకు మించిన పేరు ఆయన తలకట్టుకి కూడా వచ్చింది. తలకట్టు లేకుండా బయటకి వెళ్లిన సందర్భాల్లో ప్రేక్షకులు ఆయనని గుర్తు పట్టేందుకు కాస్త అవస్థ పడేవారు. తీరా గుర్తు పట్టిన తరువాత వారు అడిగే మొదటి ప్రశ్న...తలకట్టు ఏమైనది సార్? అది పెట్టుకోండి... అంటూ సలహా కూడా ఇచ్చేవారట. వాళ్లు అలా ప్రశ్నించే సరికి తలకట్టుపై తనకే అసూయ కలిగేదని కోడి రామకృష్ణ పలుమార్లు చెప్పేవారు.
దర్శకత్వం వహించే మొదటి రెండు సినిమాల్లో తలకట్టు లేకుండానే ఆయన పనిచేశారు. తరువాత వేసవిలో మిట్ట మధ్యాహ్నం వేళ షూటింగ్ చేస్తుండగా... ఎండ వేడిమి తట్టుకోవడానికిగానూ ఓ వ్యక్తి సలహా మేరకు తలకి చుట్టుకోవడం... తర్వాతర్వాత సెంటిమెంట్గా మారిపోయిందని చెప్పుకునేవారు. తలకట్టు లేకుండా ఆయన్ని చూడడం...యూనిట్లో పనిచేసేవారికి కూడా అసౌకర్యంగా ఉండేదట. ఒత్తిడి చేసి మరీ తలకట్టును ప్రోత్సహించారట. ఇదీ... కోడి రామకృష్ణ తలకట్టు కథా కమామిషు.
130కి పైగా సినిమాలు
దర్శకుడు దాసరి నారాయణరావు శిష్యుడిగా చిత్ర రంగ ప్రవేశం చేసి...కోడి రామకృష్ణ గురువులాగే అనతికాలంలోనే సెంచరీ పూర్తి చేసి 130కి పైగా సినిమాలకు దర్శకత్వం వహించారు. తెలుగు, తమిళ, మలయాళ, కన్నడ, హిందీ భాషల్లో చిత్రాలకు దర్శకత్వం వహించారు. ఆయన తొలి చిత్రం ‘ఇంట్లో రామయ్య.. వీధిలో కృష్ణయ్య’. ఈ చిత్రంలో చిరంజీవి కథానాయకుడిగా నటించారు. మాధవి, పూర్ణిమ, పి.ఎల్.నారాయణ నటించిన ఈ చిత్రం ద్వారా రచయిత గొల్లపూడి మారుతీరావు నటుడిగా తెర పరిచయమయ్యారు. ఆ చిత్రం విజయవంతమైన తరువాత ఇక వెనక్కి తిరిగి చూసుకోలేదు. వరుస సినిమాలతో బిజీగా మారిపోయారు. అన్ని రకాల చిత్రాలకూ దర్శకత్వం వహించడంతో ఆయన సిద్ద హస్తుడు. ఓ పక్క కుటుంబ చిత్రాలకి దర్శకత్వం వహిస్తూనే...మరోపక్క రాజకీయ చిత్రాలు, సామజిక స్పృహ కలిగిన చిత్రాలకి కూడా దర్శకుడిగా పనిచేశారు. అంతే కాదు.. ఎప్పటికప్పుడు అందుబాటులోకి వచ్చిన సాంకేతికతను అంది పుచ్చుకుని గ్రాఫిక్స్లో కూడా భారీ చిత్రాలు తీసి ఔరా! అనిపించుకున్నారు.
వైవిధ్యానికి పెద్ద పీట
కోడి రామకృష్ణ వైవిధ్యానికి పెద్ద పీట వేశారు. తొలినాళ్లలో ‘తరంగిణి’, ‘ఆలయ శిఖరం’, ‘ముక్కు పుడక’, ‘మా ఇంటికి రండి’, ‘మంగమ్మగారి మనవడు’, ‘మా పల్లెలో గోపాలుడు’, ‘మూడిళ్ళ ముచ్చట’, ‘ముద్దుల కృష్ణయ్య’, ‘చల్లని రామయ్య చక్కని సీతమ్మ’, ‘మువ్వ గోపాలుడు’, ‘తలంబ్రాలు’, ‘శ్రీనివాస కళ్యాణం’, ‘ఇంటిదొంగ’, ‘దొంగ కాపురం’, ‘మనవాడొస్తున్నాడు’, ‘చుట్టాలబ్బాయి’, ‘ఆహుతి’, ‘దొరగారింట్లో దొంగోడు’, ‘అత్త మెచ్చిన అల్లుడు’, ‘ముద్దుల మావయ్య’, ‘బాల గోపాలుడు’, ‘సోగ్గాడి కాపురం’, ‘భలే దంపతులు’, ‘రావుగారింట్లో రౌడీ’, ‘మధురానగరిలో’, ‘తరంగాలు’, ‘అల్లరి పిల్ల’, ‘ఆస్తి మూరెడు ఆశ బారెడు’ లాంటి కుటుంబ చిత్రాలు విరివిగా తీశారు. అదే సమయంలో... ఆయన ‘సింహపురి సింహం’ , ‘పోరాటం’, ‘గూఢచారి నంబర్ 1’, ‘ఆడపులి’, ‘దానవుడు’, ‘మన్నెంలో మొనగాడు’, ‘ఉదయం’, ‘అంకుశం’, ‘20వ శతాబ్దం’, ‘విముక్తి’, ‘శత్రువు’, 'భారత్ బంద్', ‘భారతం’, ‘గ్యాంగ్ వార్’, ‘పోలీస్ లాకప్’, ‘ఆవేశం’, ‘లేడీ బాస్’, ‘అమ్మోరు’, ‘గాడ్ ఫాదర్’ ‘రధ యాత్ర’, ‘భారత రత్న’, ‘జెండా’, ‘త్రినేత్రం’, ‘నాయకుడు’లాంటి విభిన్న కథాంశాలతో చిత్రాలకు దర్శకత్వం వహించారు. ‘ఇంట్లో రామయ్య వీధిలో కృష్ణయ్య’ చిత్రంతో చిరంజీవికి దర్శకత్వం వహించి సినీ కెరీర్ ప్రారంభించిన కోడి రామకృష్ణ... ఆయనతో ‘రిక్షావోడు’ లాంటి కమర్షియల్ మూవీని కూడా చేశారు. ఆ తరువాత గ్రాఫిక్స్ నేపథ్యంగా అంజి సినిమాకి కూడా దర్శకత్వం వహించారు. అదే సమయంలో... దేవుళ్ళు, దేవతల చుట్టూ కల్పిత చిత్రాలకు దర్శకత్వం వహించి సంచలనం సృష్టించారు.
‘అరుంధతి’ బిగ్గెస్ట్ హిట్
కోడి రామకృష్ణ గ్రాఫిక్స్ మాయాజాలంతో సినిమా థియేటర్స్లో ఇంద్రజాలం సృష్టించారు. రొటీన్ చిత్రాలు కాకుండా తన చిత్రాల్లో ప్రత్యేకత ఉండేలా చూసుకునే తపనే కోడి రామకృష్ణకి ప్రేక్షక జనాదరణ పెద్ద ఎత్తున లభించింది. ‘అమ్మోరు’ లాంటి చిత్రంతో మొదలైన ఆయన గ్రాఫిక్ మాయాజాలం ‘అరుంధతి’ చిత్రానికి వచ్చేసరికి తారాస్థాయికి చేరుకుంది. సాంకేతికతతో పాటు అలౌకిక పాత్రల చుట్టూ తిరిగే కథలే కోడి రామకృష్ణ ముడిసరకులయ్యాయి. ‘అమ్మోరు’ చిత్రం సూపర్ హిట్ కాగా ‘దేవుళ్ళు’ చిత్రం చిన్నపిల్లలే ప్రధాన పాత్రలుగా తీసిన చిత్రం. ఆ సినిమా కూడా కోడి రామకృష్ణ ఖాతాలో పడ్డ మరో విజయం. కాగా గ్లామర్ హీరోయిన్గా రాణిస్తున్న అనుష్క శెట్టి నాయికగా కోడి రామకృష్ణ దర్శకత్వం వహించిన ‘అరుంధతి’ బిగ్గెస్ట్ హిట్గా నమోదు చేసుకుంది. అంతకు ముందు వెంకటేష్, సౌందర్య జోడిగా ‘దేవిపుత్రుడు’ కూడా విజయవంతమైన చిత్రమే.
పాలకొల్లు చిన్నోడు
కోడి రామకృష్ణ స్వస్థలం పాలకొల్లు. 1949 జులై 23న ఆయన జన్మించారు. తల్లి తండ్రులు చిట్టెమ్మ, నర్సింహా మూర్తి. ప్రాథమిక విద్య మొదలుకుని డిగ్రీ వరకూ ఆయన చదువంతా పాలకొల్లులోనే జరిగింది. ఓ పక్క చదువుకుంటూనే...మరో పక్క చిత్రకళాభిరుచితో మనుగడ సాగించారు. పగలు చదువు, రాత్రి అజంతా పెయింటింగ్స్లో కమర్షియల్ పెయింటింగ్స్ వేస్తుండేవారు. సినిమాలంటే కూడా కోడి రామకృష్ణకు మక్కువ ఎక్కువ. మధ్య మధ్యలో సినిమా ప్రయత్నాలు కూడా చేసేవారు. పాలకొల్లులోని లలిత కళాంజలి ద్వారా అనేక నాటకాలు వేసేవారు.
గురువు దాసరి
‘తాత మనవడు’ చిత్రానికి దర్శకత్వం వహించిన దాసరి నారాయణరావు దగ్గర దర్శకత్వ శాఖలో శిక్షణ పొందాలని కోడి రామకృష్ణ నిర్ణయించుకున్నారు. డిగ్రీ పూర్తి చేసుకున్న తర్వాత వస్తే చూద్దామని దాసరి నారాయణరావు సూచించడంతో ...డిగ్రీ పూర్తి అయిన వెంటనే ఆ సంగతి ఆయన దృష్టికి తీసుకువచ్చారు. అప్పట్లో దాసరి నారాయణరావు వరుస సినిమాలకు దర్శకత్వం వహిస్తున్నారు. ‘ఎవరికీ వారే యమునా తీరే’, ‘మనుషుల్లో దేవుడు’, ‘స్వర్గం నరకం’ చిత్రాలకు కోడి రామకృష్ణను అసిస్టెంట్గా దాసరి తీసుకున్నారు. తన గురువు దాసరి నారాయణరావుని దర్శకుడిగా తొలి అవకాశం ఇచ్చి ప్రోత్సహించిన నిర్మాత రాఘవ చిత్రం ద్వారానే తానూ దర్శకుడిగా మారాలని కోడి రామకృష్ణ అనుకునేవారు. దాంతో ‘ఇంట్లో రామయ్య వీధిలో కృష్ణయ్య’తో దర్శకుడిగా మారారు. చిత్ర సీమకు చేసిన సేవలకు గుర్తుగా కోడి రామకృష్ణకి అనేక అవార్డులు, పురస్కారాలు లభించాయి. రఘుపతి వెంకయ్యనాయుడు పురస్కారాన్ని సైతం అందుకున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
Puneeth Rajkumar: పునీత్ బయోపిక్ తీసే ప్రయత్నం చేస్తా!
కోట్లాది మంది అభిమానుల హృదయాల్లో చోటు సంపాదించుకున్న దివంగత నటుడు పునీత్ రాజ్ కుమార్ బయోపిక్ ప్రస్తుతం చర్చనీయాంశంగా మారింది. నటుడిగా మెప్పించడమే కాదు.. నిజజీవితంలో తన సేవా కార్యక్రమాల ద్వారా ప్రజల మనసులో చెరగని ముద్ర వేశారాయన. -
Puneeth Rajkumar: పునీత్ కళ్లతో నలుగురికి కంటిచూపు
కన్నడ పవర్ స్టార్ పునీత్ రాజ్కుమార్ హీరోగానే కాదు.. సేవల ద్వారా ప్రజలకు చేరువయ్యారు. బతికున్నంత కాలం ఎంతో మంది ఆదుకుని ‘పునీత’డనిపించుకున్న ఆయన.. చనిపోతూ కూడా నలుగురి జీవితాల్లో వెలుగునింపారు. -
Sonusood: ఇకపై ఉచితంగా ఈఎన్టీ సర్జరీలు
చెవి, ముక్కు, గొంతుకు సంబంధించిన ఈఎన్టీ సర్జరీలను ఉచితంగా ‘సోనూ ఛారిటీ ఫౌండేషన్’ ద్వారా అందిస్తున్నట్లు మంగళవారం ఇన్స్టాగ్రామ్ వేదికగా ప్రకటించారు. -
ఆమంచి... మా మంచి హాస్య నటుడు
ఆయనని తలచుకోగానే మనకు తెలీకుండా పెదాలపై చిరునవ్వులు చిందుతాయి. ఎన్ని బాధల్లో ఉన్నా చిటికలో మనసు ఉల్లాసభరితమవుతుంది. ఉత్సాహం ఉరకలెత్తుతుంది. ఆయన మంచి హాస్యానికి అసలు సిసలైన చిరునామా. అందుకే... అంటారు ప్రేక్షకులంతా -
అసంపూర్ణ చిత్రం...ఉదయ్ కిరణ్
ఉదయించి మధ్యాహ్నానికి చేరకుండానే... మబ్బులు కమ్మి చిక్కటి చీకట్లు అలముకున్నట్టు అర్ధాంతరంగా అంతర్ధానమైన ఓ కిరణం గురించి తలచుకుంటేనే గుండెలు బరువెక్కుతాయి. కన్నీళ్లు కనురెప్పల్ని తడిమేస్తాయి. ఎంతో ఉజ్వల భవిష్యత్ ఉన్న ఓ యువకుడు... -
ఒకే మార్గం...ఒకే లక్ష్యం...పరచూరి బ్రదర్స్
ఔను... వారిద్దరి దేహాలు వేరయినా ఆత్మ ఒకటే. చేపట్టిన వృత్తి ఒకటే. చేరుకోవాలన్న లక్ష్యం ఒక్కటే. తెలుగు చిత్ర సీమలో 350కి పైగా చిత్రాలకు కధలు, మాటలు అందించిన రచయితల ద్వయం పేరు... పరచూరి బ్రదర్స్. ఒంటి పేర్లతో కాకుండా కేవలం ఇంటి పేరుతోనే -
బుర్రిపాలెం బుల్లోడు... అద్భుతాల అసాధ్యుడు
అతడొక అసాధ్యుడు. అసాధ్యుడే కాదు అఖండుడు కూడా. ఉంగరాల జుట్టుతో, ఊరించే కన్నులతో నూటొక్క జిల్లాలకి అందగాడు. హేమహేమీలుగా వున్న ఎన్టీఆర్, ఏయన్నార్లు చలనచిత్ర రంగాన్ని ఏలుతున్న సమయంలో అడుగుపెట్టి, సాహసమే ఊపిరిగా, పట్టుదలే -
సాహిత్య మారుతి... గొల్లపూడి
ఆయన ఒక కథా రచయిత, ఒక నవలా రచయిత, ఒక రంగస్థల నాటక రచయిత, ఒక వక్త, ఒక పాత్రికేయుడు, ఒక సినిమా రచయిత, ఒక సినిమా నటుడు, ఒక బుల్లితెర ప్రయోక్త. ఆ బహుముఖ ప్రజ్ఞాశాలి గొల్లపూడి మారుతీరావు. ఈ-టీవీ వారు నిర్వహించిన ‘ప్రతిధ్వని’ -
చిత్రసీమకు ‘గురువుగారు’!
సినిమాకి ‘కెప్టెన్ ఆఫ్ ది షిప్..’ దర్శకుడే అని అందరూ చెబుతారు. కానీ అదే నిజం అని చేతల్లో చూపించిన దర్శక శిఖరం... దాసరి నారాయణరావు. వెండితెరపై కథానాయకులుగా మెరుస్తూ ఓ ఇమేజ్ని ఏర్పాటు చేసుకొంటేనే స్టార్ అవుతారు కదా? తెర వెనక ఉంటూ -
భాగ్యనగర సినీ భగీరథుడు... అక్కినేని
1945లో పూర్తిస్థాయి నటుడిగా ‘మాయాలోకం’లో విహరించిన అక్కినేని, పల్లెటూరి నేపధ్యంలో నటించిన మొదటి చిత్రం దర్శక నిర్మాత బి.ఏ.సుబ్బారావు నిర్మించిన ‘పల్లెటూరిపిల్ల’గా చెప్పవచ్చు. అక్కినేనికి ఇది 12వ చిత్రం కాగా, ఎన్.టి.ఆర్తో కలిసి నటించిన మొదటి మల్టీ -
వెండితెరపై... సీమ పెతాపం
రాయలసీమ... తెలంగాణ... నెల్లూరు...యాస ఏదైనా సరే... ఆయన నోటి నుంచి వచ్చిందంటే ‘లెస్స పలికారు’ అంటూ చప్పట్లు కొట్టాల్సిందే! ప్రతినాయకుడిగానైనా... హాస్య పాత్రలైనా... ఆయన చేశారంటే... వాటిలో హావభావాలు పోత పోసినట్టే! విలక్షణ నటనకి నిలువెత్తు రూపంలా కనిపించే ఆయనే... జయప్రకాష్రెడ్డి. తెలుగు చిత్ర పరిశ్రమలో అందరూ జేపీగా పిలుచుకునే ఆయన స్థానం ఎప్పటికీ ప్రత్యేకమైనది.
తాజా వార్తలు (Latest News)
-
ఇరాన్-ఇజ్రాయెల్ ఉద్రిక్తతల ఎఫెక్ట్.. భారీ నష్టాల్లో మార్కెట్ సూచీలు
-
అంపైర్గా పని చేసి.. ఐపీఎల్లో అదరగొట్టి... నయా సంచలనం అశుతోష్ కథ ఇది!
-
20 లక్షల పేద కుటుంబాల ‘ఉపాధి’పై జగన్ వేటు
-
ఇరాన్లో భారీ పేలుళ్లు.. అన్నంత పని చేసిన ఇజ్రాయెల్!
-
ఈనాడు.నెట్లో టాప్ 10 వార్తలు @ 9 AM
-
వలకు చిక్కిన 30 కిలోల చేప