UV creations: యూవీ క్రియేషన్స్‌ ఆఫీస్‌లో జీఎస్టీ నిఘా విభాగం సోదాలు

హైదరాబాద్: ప్రముఖ సినీ నిర్మాణ సంస్థ యూవీ క్రియేషన్స్‌ కార్యాలయంలో జీఎస్టీ నిఘా విభాగం సోదాలు నిర్వహించింది. ఆ సంస్థకు వస్తున్న ఆదాయం, చెల్లిస్తున్న జీఎస్టీకి వ్యత్యాసం ఉన్నట్లు ఇటీవల అధికారులు గుర్తించారు. ఈ నేపథ్యంలో హైదరాబాద్‌ కావూరి హిల్స్‌లోని కార్యాలయంలో సోదాలు నిర్వహించారు. 

మంగళవారం అర్ధరాత్రి వరకు జరిగిన సోదాల్లో రూ.6కోట్లకు పైగా జీఎస్టీ బకాయిలు ఉన్నట్లు అధికారులు ప్రాథమికంగా తేల్చారు. లోతైన పరిశీలనకు సంస్థ రికార్డులను స్వాధీనం చేసుకున్నారు. రికార్డులను పూర్తిస్థాయిలో పరిశీలించాకే యూవీ క్రియేషన్స్‌ సంస్థ ఇంకా ఎంత జీఎస్టీ చెల్లించాల్సి ఉందో తెలుస్తుందని అధికారులు తెలిపారు.