Gurthunda Seethakalam: జూన్‌లో శీతాకాలం

సత్యదేవ్‌, తమన్నా జంటగా నటించిన ప్రేమ కథా చిత్రం ‘గుర్తుందా శీతాకాలం’. నాగ శేఖర్‌ దర్శకుడు. భావన రవి, రామారావు చింతపల్లి, నాగశేఖర్‌ సంయుక్తంగా నిర్మించారు. ఇప్పటికే పలుమార్లు వాయిదా పడిన ఈ సినిమా.. జూన్‌లో విడుదలకు సిద్ధమవుతోంది. ఈ విషయాన్ని చిత్ర బృందం గురువారం సామాజిక మాధ్యమాల ద్వారా అధికారికంగా ప్రకటించింది. ఈ మేరకు ఓ కొత్త లుక్‌ను విడుదల చేశారు. ఆ పోస్టర్‌లో సత్యదేవ్‌, తమన్నా రొమాంటిక్‌ లుక్‌లో చిరునవ్వులు చిందిస్తూ కనిపించారు. కన్నడలో విజయవంతమైన ‘లవ్‌ మాక్‌టైల్‌’కు రీమేక్‌గా రూపొందిన చిత్రమిది. ఆహ్లాదకరమైన ప్రేమకథతో సాగుతుంది. ఇందులో మేఘా ఆకాష్‌, కావ్య శెట్టి కీలక పాత్రలు పోషిస్తున్నారు. ఈ చిత్రానికి సంగీతం:కాల భైరవ, ఛాయాగ్రహణం: సత్య హెగ్డే.