Satyadev-Tamannaah,: ‘గుర్తుందా శీతాకాలం’ రిలీజ్‌ డేట్‌ ఫిక్స్‌..

హైదరాబాద్‌: టాలీవుడ్‌లో రానున్న ఫీల్‌ గుడ్‌ మూవీల్లో ‘గుర్తుందా శీతాకాలం’ ఒకటి. కాలేజీ రోజుల్లో యువత జీవితంలో ఎదురయ్యే సంఘటనల ఆధారంగా ఈ సినిమా తెరకెక్కుతోంది. కన్నడలో విడుదలై విజయాన్ని అందుకున్న ‘లవ్‌ మాక్‌టైల్‌’ చిత్రాన్ని తెలుగులో ‘గుర్తుందా శీతాకాలం’ పేరుతో రూపొందిస్తున్నారు. ఇప్పటికే పలుమార్లు వాయిదాపడిన ఈ చిత్రాన్ని డిసెంబర్‌ 9న విడుదల చేయాలని నిర్ణయించింది చిత్రబృందం. ఈ సందర్భంగా చిత్రయూనిట్‌  మాట్లాడుతూ ఈ సినిమా చూసిన ప్రతి ప్రేక్షకుడికి వాళ్ల జీవితంలోని కాలేజీ రోజులు గుర్తుకు వస్తాయని తెలిపింది. నాగ్‌ శేఖర్‌ దర్శకత్వం వహిస్తున్న ఈ సినిమాలో సత్యదేవ్‌ హీరోగా నటిస్తున్నాడు. ఆయన సరసన మిల్కి బ్యూటీ తమన్నా అలరించనుంది. ఇప్పటికే అన్ని పనులు పూర్తిచేసుకున్న ఈ సినిమాకు కాలభైరవ ట్యూన్స్‌ అందించారు. ఇందులో మేఘా ఆకాష్‌, కావ్య శెట్టి కీలక పాత్రలు పోషిస్తున్నారు. భావన రవి, రామారావు చింతపల్లి, నాగశేఖర్‌ సంయుక్తంగా నిర్మిస్తున్నారు.