Hansika: హన్సిక వెడ్డింగ్‌ టీజర్‌.. లవ్‌+ డ్రామా

ఇంటర్నెట్‌ డెస్క్‌: నటి హన్సిక (Hansika Motwani) తాను ప్రేమించిన సోహైల్‌ కథూరియా (Sohail Khaturiya)ని పెళ్లాడిన సంగతి తెలిసిందే. గతేడాది డిసెంబరు 4న జైపుర్‌లో వీరి విహహం జరిగింది. ఆ వేడుక ప్రసార హక్కుల్ని ఓటీటీ ‘డిస్నీ+ హాట్‌స్టార్‌’ (Disney+ Hotstar) సొంతం చేసుకుంది. తాజాగా టీజర్‌ను విడుదల చేసింది. ఇందులో ‘‘నిజమైన ప్రేమ. డ్రీమ్‌ షాదీ. ప్రతిదీ పర్‌ఫెక్ట్‌’’ అంటూ హన్సిక తన పెళ్లి సంగతుల గురించి వివరించారు. సోహెల్‌ను పెళ్లి చేసుకునేందుకు కుటుంబ సభ్యులతో హన్సిక పోరాటం చేసినట్టు వీడియో చూస్తే అర్థమవుతోంది. ఎమోషనల్‌ జర్నీ కాబట్టే ఈ వెడ్డింగ్‌ వీడియోకు ‘హన్సిక లవ్ షాదీ డ్రామా’ అని పేరు పెట్టినట్టు ఉన్నారు. ఫుల్‌ వీడియో ఫిబ్రవరి 10న విడుదలకానుంది.