Lavanya Tripati: ‘హ్యాపీ బర్త్‌ డే’ ఆరోజే

అందం.. అభినయంతో ఆకట్టుకున్న ఉత్తరాది సోయగం లావణ్య త్రిపాఠి. ఇప్పుడామె ప్రధాన పాత్రలో నటిస్తున్న క్రైమ్‌ కామెడీ సినిమా ‘హ్యాపీ బర్త్‌ డే’. ‘మత్తు వదలరా’ ఫేమ్‌ రితేష్‌ రానా తెరకెక్కిస్తున్నారు. మైత్రీ మూవీ మేకర్స్‌, క్లాప్‌ ఎంటర్‌టైన్‌మెంట్స్‌ సంస్థలు సంయుక్తంగా నిర్మిస్తున్నాయి. జులై 15న విడుదల చేయనున్నారు. ఈ విషయాన్ని చిత్ర బృందం గురువారం అధికారికంగా ప్రకటించింది. ఈ మేరకు సామాజిక మాధ్యమాల్లో ఓ కొత్త పోస్టర్‌ను విడుదల చేసింది. యాక్షన్‌కు ప్రాధాన్యమున్న క్రైమ్‌ కామెడీ చిత్రమిది. దీన్ని పాన్‌ ఇండియా సినిమాగా ఒకేసారి పలు భాషల్లో విడుదల చేయనున్నారు. ఇందులో సత్య, వెన్నెల కిషోర్‌, అగస్త్య తదితరులు కీలక పాత్రలు పోషిస్తున్నారు. కాలభైరవ స్వరాలందిస్తున్నారు.