Prithviraj: ‘పృథ్వీరాజ్‌’గా అక్షయ్‌ కుమార్‌.. స్ఫూర్తినింపేలా ‘హరి హర’ గీతం

ఇంటర్నెట్‌ డెస్క్‌: అక్షయ్‌ కుమార్‌ ప్రధాన పాత్రలో తెరకెక్కిన పీరియాడికల్‌ చిత్రం ‘పృథ్వీరాజ్‌’. మిస్‌ యూనివర్స్‌- 2017 విజేత మానుషి చిల్లర్‌ ఈ సినిమాతో కథానాయికగా పరిచయమవుతోంది. సంజయ్‌దత్‌, సోనూసూద్‌ తదితరులు కీలక పాత్రలు పోషించారు. చంద్రప్రకాశ్‌ ద్వివేది దర్శకత్వం వహించిన ఈ సినిమా హిందీతోపాటు తెలుగు, తమిళ భాషల్లో జూన్‌ 3న విడుదలకానుంది. ఈ సందర్భంగా చిత్ర బృందం ఈ సినిమాలోని తొలి పాటను రిలీజ్‌ చేసింది. ‘హరి హర’ అంటూ సాగే ఈ స్ఫూర్తివంతమైన పాటను చైతన్య ప్రసాద్‌ రచించగా దివాకర్‌ ఆలపించారు. శంకర్‌-ఇషాన్‌-లాయ్‌ త్రయం సంగీతం అందించారు. దిల్లీని పరిపాలించిన పృథ్వీరాజ్‌ చౌహాన్‌ జీవితాధారంగా రూపొందిన ఈ చిత్రాన్ని ఆదిత్య చోప్రా నిర్మించారు. ‘‘హరి హర’ పాట ఈ సినిమాకి ఆత్మలాంటిది. పృథ్వీరాజ్‌ చౌహాన్‌ సాహసాలకు ఈ పాట ప్రతిబింబంలాంటిది’’ అని అక్షయ్‌ పేర్కొన్నారు.