ఆడబిడ్డకు జన్మనిచ్చిన హరితేజ

ఇంటర్నెట్‌ డెస్క్‌ః టీవీ వ్యాఖ్యాత, నటి హరితేజ సోమవారం పండంటి ఆడబిడ్డకు జన్మనిచ్చారు. ఈ శుభవార్తని సామాజిక మాధ్యమాల వేదికగా అభిమానులతో పంచుకున్నారు. బేబీ బంప్‌ సమయంలో తన భర్త దీపక్‌తో కలిసి దిగిన ఫొటోను ఈ సందర్భంగా షేర్‌ చేశారు. ౨౦౧౫లో వివాహ బంధంలోకి అడుగుపెట్టారు హరితేజ, దీపక్‌. టెలివిజన్‌ నటిగా, వ్యాఖ్యాతగా తన ప్రయాణం మొదలుపెట్టిన హరితేజ ‘ఆడవారి మాటలకు అర్థాలు వేరులే’ చిత్రంతో వెండితెరకు పరిచయం అయ్యారు. ‘అ ఆ’ సినిమాలోని మంగమ్మ పాత్రతో నటిగా మంచి గుర్తింపు తెచ్చుకున్నారు. ఇటీవలే ‘అల్లుడు అదుర్స్‌’, ‘జాంబిరెడ్డి’ చిత్రాలతో అలరించారు.