Vijay Sethupathi: ఓటీటీలోనే ‘అనబెల్‌ సేతుపతి’

ఇంటర్నెట్‌డెస్క్‌: విజయ్‌ సేతుపతి, తాప్సీ కీలక పాత్రల్లో నటిస్తున్న చిత్రం ‘అనబెల్‌.. సేతుపతి’. దీపక్‌ సుందర్‌రాజన్‌ దర్శకుడు. గురువారం ఈ చిత్ర ఫస్ట్‌లుక్‌ను విడుదల చేశారు. అయితే, ఈ సినిమాను థియేటర్‌లో కాకుండా ఓటీటీ వేదికగా విడుదల చేయనున్నట్లు చిత్ర బృందం ప్రకటించింది. డిస్నీ+హాట్‌స్టార్‌ వేదికగా సెప్టెంబరు 17న ‘అనబెల్‌.. సేతుపతి’ స్ట్రీమింగ్‌ కానుంది. ఫస్ట్‌లుక్‌ పోస్టర్‌లో విజయ్‌ సేతుపతి రాయల్‌ లుక్‌లో కనిపించగా, తాప్సి గౌను ధరించి ఉన్నారు. ప్రముఖ దర్శకుడు సుందరాజన్‌ తనయుడు అయిన దీపక్‌ సుందర్‌రాజన్‌  ఈ సినిమాను తెరకెక్కిస్తుండటంతో అందరిలోనూ ఆసక్తి నెలకొంది. పైగా వైవిధ్య చిత్రాలను ఎంచుకుంటున్న విజయ్‌ సేతుపతి, తాప్సీలు కలిసి నటిస్తుండటం కూడా సినిమాపై అంచనాలను పెంచుతోంది.