Friendship: హర్భజన్‌ సింగ్‌ ‘ఫ్రెండ్‌షిప్‌’ ట్రైలర్‌ చూశారా?

హైదరాబాద్‌: నేటి సమాజంలో మహిళల్ని ఎలా చూస్తున్నాం? వాళ్లని మనం ఎలా గౌరవించాలనే అంశం    ఆధారంగా రూపొందిన చిత్రమే ‘ఫ్రెండ్‌షిప్‌’ అంటున్నారు ఎ.ఎన్‌.బాలాజీ. ఆయన నిర్మించిన చిత్రమిది. క్రికెటర్‌ హర్భజన్‌ సింగ్‌, యాక్షన్‌ కింగ్‌ అర్జున్‌ కథానాయకులుగా నటించారు. జాన్‌పాల్‌ రాజ్‌, శ్యామ్‌ సూర్య దర్శకత్వం వహించారు. తెలుగుతోపాటు తమిళం, హిందీ, కన్నడ, మలయాళం భాషల్లో ఒకేసారి ప్రేక్షకుల ముందుకొస్తోంది.

ఈ సినిమా ట్రైలర్‌ని ప్రముఖ కథానాయకుడు నాగార్జున విడుదల చేశారు. హర్భజన్‌ సింగ్‌ని వెండితెరపై చూడటం ఆనందంగా ఉందనీ, సినిమా విజయవంతం కావాలని ట్విటర్‌ ద్వారా ఆకాంక్షించారు నాగార్జున. నిర్మాత మాట్లాడుతూ ‘‘కళాశాల నేపథ్యంలో సాగే చిత్రమిది. రాజకీయాల్ని స్పృశించాం. స్నేహం గొప్పతనాన్ని చాటుతూనే,   అమ్మాయిల రక్షణ విషయంలో సమాజానికి సందేశాన్ని ఇచ్చిన తీరు ఆకట్టుకుంటుంది. త్వరలోనే విడుదల తేదీని ప్రకటిస్తాం’’ అన్నారు.