Adipurush: టీజర్తో పోలిస్తే ‘ఆదిపురుష్’ ట్రైలర్ ఎలా ఉంది?
Adipurush: ప్రభాస్ కథానాయకుడిగా ఓం రౌత్దర్శకత్వంలో తెరకెక్కిన ఇతిహాస గాథ ‘ఆది పురుష్’. మంగళవారం ఈ చిత్ర ట్రైలర్ విడుదలైంది. విమర్శల పాలైన టీజర్తో పోలిస్తే, ఇది బాగుందా?
హైదరాబాద్: ‘ఆది పురుష్’(Adipurush).. ప్రభాస్ అభిమానులతో పాటు, సినీ ప్రియులంతా ఆసక్తిగా ఎదురు చూస్తున్న చిత్రం. ఎన్నో అంచనాల మధ్య కొన్ని రోజుల కిందట విడుదలైన టీజర్పై నెటిజన్లు పెదవి విరిచారు. ఈ క్రమంలో తాజాగా ‘ఆది పురుష్’ ట్రైలర్ను చిత్ర బృందం విడుదల చేసింది. టీజర్తో పోలిస్తే ట్రైలర్ ఆ అంచనాలను అందుకుందా? లేదా?
అంచనాలను పెంచిన కాంబినేషన్..
రామాయణం.. ఎవరు ఏ భాషలో రాసినా, తీసినా అదొక అద్భుత కావ్యం. అందులోని వివిధ ఘట్టాలను ఇతివృత్తంగా తీసుకుని నాటి నుంచి నేటి వరకూ ఎంతో మంది దర్శకులు రామాయణాన్ని తెరకెక్కించారు. ప్రస్తుతం అందుబాటులో ఉన్న అద్భుత సాంకేతిక పరిజ్ఞానాన్ని వినియోగించుకుని ఓం రౌత్ ‘ఆది పురుష్’ తెరకెక్కించారు. ‘బాహుబలి’తో దేశ వ్యాప్తంగా క్రేజ్ను సొంతం చేసుకున్న ప్రభాస్ రాముడి పాత్ర చేస్తుండటం, ‘తానాజీ’ వంటి బ్లాక్బస్టర్ చిత్రాన్ని తీసిన ఓం రౌత్ దర్శకత్వం వహిస్తుండటంతో ఈ కాంబినేషన్పై భారీ అంచనాలు ఏర్పడ్డాయి. చిత్ర బృందం విడుదల చేసిన ఫస్ట్లుక్లతో సినిమాపై ఆసక్తి మరింత పెరిగింది.
ఆకట్టుకోలేకపోయిన టీజర్
‘ఆది పురుష్’ గురించి ఒక్కో అప్డేట్ వస్తుంటే, తెరపై విజువల్ వండర్ ఆవిష్కృతమవుతోందని అందరూ అనుకున్నారు. సరిగ్గా అదే సమయంలో విడుదలైన టీజర్ అందరినీ నిరాశపరిచింది. నాణ్యతలేని వీఎఫ్ఎక్స్, రామాయణంలోని పాత్రలకు ఆధునిక హంగులు జోడించడంపై చాలా మంది పెదవి విరిచారు. ‘రామాయణాన్ని కార్టూన్గా తీయడం లేదు కదా’ అంటూ ట్రోలింగ్ చేశారు. మరీ ముఖ్యంగా ఆజానుబాహుడైన ప్రభాస్ (Prabhas) రాముడి పాత్రలో తెరపై కదిలి వస్తుంటే చూడటానికి రెండు కళ్లూ చాలవని అభిమానులు ఆశించారు. కానీ, టీజర్ చూసిన తర్వాత అందులో సహజత్వం మచ్చుకైనా కనిపించలేదు. దీంతో అభిమానులు తీవ్ర నిరాశకు గురయ్యారు. శివ భక్తుడు, లంకాధిపతి రావణుడి పాత్రలో పోషించిన సైఫ్ అలీఖాన్ను చూసైతే అందరూ అవాక్కయ్యారు. ‘ఇదేంటి రావణుడు ఇలా ఉన్నాడు’ అంటూ విమర్శలు గుప్పించారు. ఇక టీజర్లో వానరసైన్యాన్ని చూసి నోరెళ్లబెట్టారు. ‘సినిమాను మోషన్ క్యాప్చర్ టెక్నాలజీతో తీశాం. మొబైల్ ఫోన్లు, ల్యాప్టాప్లో చూస్తే ఆ క్వాలిటీ అర్థం కాదు. పెద్ద తెరపైనే చూడాలి. నేటి తరాన్ని మెప్పించేలా సినిమాను తీర్చిదిద్దాం’ అని చిత్ర బృందం సమర్థించుకునే ప్రయత్నం చేసినా, అవేవీ విమర్శలను ఆపలేకపోయాయి. దీంతో దిద్దుబాటు చర్యలు చేపట్టింది. సినిమా విడుదలను వాయిదా వేసి, వీఎఫ్ఎక్స్ సన్నివేశాల్లో నాణ్యతను పెంచే ప్రయత్నాలు చేసింది. అవసరమైన కొన్ని సన్నివేశాలను రీషూట్ చేశారు.
మరి ఇప్పుడు వచ్చిన ట్రైలర్ ఎలా ఉంది?
సినీ అభిమానులను టీజర్ మెప్పించలేకపోవడంతో చిత్ర బృందం ఈసారి కాస్త జాగ్రత్తగా వ్యవహరించింది. 3 నిమిషాల 19 సెకన్ల పాటు సాగిన ట్రైలర్.. టీజర్తో పోలిస్తే చాలా విషయాల్లో మెరుగ్గా ఉంది. ముఖ్యంగా ఐమ్యాక్స్ తెరపై 3డీ ట్రైలర్ విజువల్ ఫీస్ట్గా ఉంది. ప్రతి సన్నివేశం హైలైట్ అయ్యేలా అజయ్-అతుల్ బ్యాగ్రౌండ్ స్కోర్ ఇచ్చారు. మరీ ముఖ్యంగా ‘జై శ్రీరామ్.. జై శ్రీరామ్’ అంటూ నేపథ్యంలో సాగే పాట ట్రైలర్ చూస్తున్న ప్రేక్షకుడిని హమ్మింగ్ చేసేలా ఉంది. అయితే, అక్కడక్కడా కొన్ని డ్రాబ్యాక్స్ కూడా ఉన్నాయి. చాలా సన్నివేశాల్లో అవసరానికి మించి వీఎఫ్ఎక్స్ షాట్స్ వాడేశారు. ఇంకా కొన్ని సన్నివేశాలను మెరుగుపరచాల్సింది. ఒక చోట ప్రభాస్ లుక్ నేచురల్గా ఉంటే, మరొక చోట మోషన్ క్యాప్చర్ బొమ్మలాగానే అనిపించింది. బహుశా అవన్నీ రీషూట్ చేయడం కూడా కష్టం కావడంతో వదిలేసి ఉండవచ్చు. ట్రైలర్లో రావణుడి పాత్రను కాస్త సహజంగా చూపించారు. టీజర్తో పోలిస్తే ట్రైలర్ బాగుందనడంలో ఎలాంటి సందేహం లేదు. అయితే, చిత్ర బృందం చెబుతున్నట్లు సినిమాను వెండితెరపై చూస్తేనే ఆ ఫీల్ ఉంటుందేమో. అది తెలియాలంటే ఇంకొన్ని రోజులు ఆగాల్సిందే.
ఇక ట్రైలర్ విషయానికొస్తే..
‘ఆయన మనిషిగా పుట్టి భగవంతుడైన మహనీయుడు. ఆయన జీవితం ధర్మానికి, సన్మార్గానికి నిదర్శనం. ఆయన నామం రాఘవ. ఇది రఘునందనుడి గాథ. యుగయుగాల్లో సజీవం.. జాగృతం.. నా రాఘవుడి కథే రామాయణం’ హనుమంతుడి పాత్ర ద్వారా ‘ఆది పురుష్’ కథను పరిచయం చేశారు. రామయాణాన్ని పూర్తి విజువల్ వండర్గా చూపించే ప్రయత్నం చేశారు ఓంరౌత్. ‘నా ప్రాణమే జానకిలో ఉంది. నా ప్రాణాలకన్నా మర్యాదే అధిక ప్రియమైనది’, ‘మనం జన్మతో కాదు.. చేసే కర్మతో చిన్నా పెద్దా అవుతాం’ అంటూ రాఘవుడిగా ప్రభాస్ పలికిన సంభాషణలు అలరిస్తున్నాయి. ‘జై శ్రీరామ్.. జై శ్రీరామ్’ అంటూ సాగే సాంగ్ అయితే, ప్రతి సన్నివేశాన్ని హైలైట్ చేసింది. వానరసేనను ఉద్దేశించి ‘నాకోసం పోరాడొద్దు. వేల సంవత్సరాల తర్వాత తల్లులు మీ వీర గాథ చెబుతూ పిల్లల్ని పెంచాలి. ఆ రోజు కోసం పోరాడండి. అహంకారం రొమ్ము చీల్చి, ఎగురుతున్న విజయ ధ్వజాన్ని పాతండి’ తదితర సంభాషణలు మెప్పిస్తున్నాయి.
ప్రభాస్ (Prabhas) రాఘవుడిగా నటిస్తున్న సినిమాలో కృతి సనన్ జానకిగా కనిపించనుంది. రావణుడిగా సైఫ్ అలీ ఖాన్, లక్ష్మణుడిగా సన్నీ సింగ్, హనుమాన్గా దేవదత్త నాగే నటిస్తున్నారు. ఇప్పటికే చిత్రీకరణ పూర్తి చేసుకున్న ‘ఆది పురుష్’ జూన్ 16న తెలుగు, తమిళ, హిందీ, మలయాళ, కన్నడ భాషల్లో విడుదల కానుంది. భూషణ్కుమార్, కృష్ణకుమార్, వంశీ, ప్రమోద్, ఓంరౌత్ నిర్మిస్తున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది? -
Jeethu Joseph: 17 సినిమాలు.. మూడే ఫ్లాప్లు.. చైనీస్, ఇండోనేషియా, కొరియాలోనూ రీమేక్ అయిన మొదటి భారతీయ సినిమా ఆయనదే!
Jeethu Joseph: మోహన్లాల్ కథానాయకుడిగా జీతూ జోసెఫ్ తెరకెక్కించిన ‘నెరు’ ఓటీటీలో దూసుకుపోతోంది. ఈ క్రమంలో జీతూ గురించి ఆసక్తికర విషయాలు.. -
Chiranjeevi: ఆ అవమానమే.. సుప్రీం హీరోను మెగాస్టార్ చేసింది: పద్మ విభూషణ్ చిరంజీవి ప్రయాణమిది!
ప్రముఖ నటుడు చిరంజీవికి అత్యున్నత పురస్కారాల్లో ఒకటైన ‘పద్మ విభూషణ్’ అవార్డు వరించింది. ఈ సందర్భంగా ఆయన గురించి ప్రత్యేక కథనం.. -
Salaar Part 2: ఈ ప్రశ్నలకు సమాధానం... ‘సలార్-2: శౌర్యాంగ పర్వం’ చెబుతుంది!
‘సలార్’ పార్ట్-1 చూసిన వారందరూ ఇప్పుడు పార్ట్-2 ‘శౌర్యాంగ పర్వం’ కోసం ఎదురు చూస్తున్నారు. మరి ఈ భాగంలో ఏయే ప్రశ్నలకు సమాధానం లభించనుంది? -
Telugu Movies: రిపబ్లిక్ డే ‘డబ్బింగ్’ చిత్రాలదే.. ఆ రోజు ‘ఈగల్’ సింగిల్గా..?
రిపబ్లిక్ డే సందర్భంగా విడుదలకానున్న చిత్రాలు, ఫిబ్రవరి రెండో వారంలో రాబోతున్న సినిమాలపై ప్రత్యేక కథనం.. -
Hombale Films: ఆ పరాజయం.. ‘కేజీయఫ్’, ‘సలార్’ హిట్లకు కారణమైంది: హోంబలే ప్రయాణమిదీ
ప్రముఖ నిర్మాణ సంస్థ ‘హోంబలే ఫిల్మ్స్’కు ఆ పేరు ఎందుకు పెట్టారో తెలుసా? ఆ బ్యానర్పై వచ్చిన సినిమాల వివరాలివీ.. -
Pallavi prashanth: ‘బిగ్బాస్’కు వెళ్తానంటే ఎగతాళి చేశారు.. ‘విన్నర్’గా నిలిచిన ‘రైతుబిడ్డ’ జర్నీ ఇదీ!
bigg boss 7 telugu winner pallavi prashanth: ఫోక్ సాంగ్స్ క్రియేటర్గా జీవితాన్ని మొదలు పెట్టిన పల్లవి ప్రశాంత్ లైఫ్ జర్నీ సాగిందిలా..! -
Bollywood Roundup: రీమేక్స్తో డీలా.. షారుక్ సినిమాలతో కొత్త కళ: బాలీవుడ్ తీరిలా!
ఈ ఏడాది విడుదలైన బాలీవుడ్ సినిమాలపై ప్రత్యేక కథనం. ఏ చిత్రం హిట్? ఏది ఫట్? చూసేయండి.. -
Venkatesh: అద్దమే ఫిల్మ్స్కూల్.. హోస్ట్గా ఆ షోస్కు ‘నో’: వెంకటేశ్ గురించి ఈ విశేషాలు తెలుసా?
ప్రముఖ హీరో వెంకటేశ్ పుట్టినరోజు నేడు. ఈ సందర్భంగా ఆయన సినిమాల గురించి పలు ఆసక్తికర సంగతులు చూద్దాం..
తాజా వార్తలు (Latest News)
-
ఈనాడు.నెట్లో టాప్ 10 వార్తలు @ 5 PM
-
కేజ్రీవాల్ అరెస్టుపై.. విపక్ష కూటమి నిరసన వాయిదా
-
కాలమే అన్నింటికీ సమాధానం చెబుతుంది: కేటీఆర్
-
ఉపాధ్యాయ బదిలీల్లో రూ.వందల కోట్ల కుంభకోణం: నాదెండ్ల మనోహర్
-
ఏప్రిల్ 1 నుంచి ఇ-బీమా.. ఇంతకీ ఏమిటిది? ఎవరికి ప్రయోజనం?
-
కేజ్రీవాల్కు సమయం లేదు.. అందుకే ఈ ప్రయత్నాలు! : పూరి