Mahesh babu: ‘సర్కారువారి పాట’ ఫస్ట్‌ నోటీస్‌ వచ్చేసింది!

ఇంటర్నెట్‌డెస్క్‌: ఎంతోకాలంగా ఆశగా ఎదురు చూస్తున్న మహేశ్‌బాబు అభిమానులకు సర్‌ప్రైజ్‌ వచ్చేసింది. ఆయన కథానాయకుడిగా పరశురామ్‌ దర్శకత్వంలో తెరకెక్కుతున్న చిత్రం ‘సర్కారువారి పాట’. కీర్తి సురేశ్‌ కథానాయిక. శనివారం ఈ చిత్రానికి సంబంధించి ‘ఫస్ట్‌ నోటీస్‌’ అంటూ ఈ సినిమాలోని మహేశ్‌లుక్‌ను పంచుకుంది. ఇంతకుముందెన్నడూ లేని విధంగా మహేశ్‌లుక్ అలరిస్తోంది. పొడవాటి జుట్టు, మెడపై రూపాయి కాయిన్‌ టాటూతో ఎరుపు రంగు కారులోని నుంచి మహేశ్‌ స్టైల్‌గా దిగుతున్న ఈ ఫొటో ప్రస్తుతం సామాజిక మాధ్యమాల వేదికగా ట్రెండ్‌ అవుతోంది. కారు వెనుక బైక్‌లపై రేసర్లు కనిపిస్తున్నారు. బ్యాంకు కుంభకోణాల నేపథ్యంలో ఈ సినిమా సాగుతుందని సమాచారం. పూర్తి మాస్‌ ఎంటర్‌టైనర్‌గా ఈ సినిమాను పరుశురామ్‌ తీర్చిదిద్దుతున్నారు. సంక్రాంతి కానుకగా జనవరి 13, 2022న ఈ సినిమాను ప్రేక్షకుల ముందుకు తీసుకురానున్నారు. మైత్రీ మూవీ మేకర్స్‌ పతాకంపై తెరకెక్కుతున్న ‘సర్కారువారి పాట’చిత్రానికి తమన్‌ స్వరాలు సమకూరుస్తున్నారు.