Breaking | Feedback | E-PAPER | Pratibha

Sharwanand: నేను క్షేమంగా ఉన్నా.. రోడ్డు ప్రమాదంపై శర్వానంద్‌ ట్వీట్‌

హీరో శర్వానంద్‌ (Sharwanand) కారు రోడ్డు ప్రమాదానికి గురైంది. అయితే తాను క్షేమంగానే ఉన్నట్లు ఆయన ట్వీట్‌ చేశారు.

Published : 28 May 2023 13:54 IST

హైదరాబాద్‌: హీరో శర్వానంద్‌ (Sharwanand) కారు ఆదివారం తెల్లవారుజామున రోడ్డు ప్రమాదానికి గురైన విషయం తెలిసిందే. హైదరాబాద్‌లోని ఫిలింనగర్‌ జంక్షన్‌ వద్ద ఆయన కారు అదుపు తప్పి డివైడర్‌ను ఢీకొట్టింది. అయితే, ఈ ప్రమాదంలో తనకు ఎలాంటి గాయాలు కాలేదని, తాను క్షేమంగా ఉన్నానంటూ తాజాగా శర్వానంద్‌ ట్వీట్‌ చేశారు. ‘‘ఈరోజు ఉదయం నా కారుకు యాక్సిడెంట్‌ అయినట్టు వార్తలు వచ్చాయి. అయితే అది చాలా చిన్న ప్రమాదం. మీ అందరి ప్రేమ, ఆశీస్సుల వల్ల నేను క్షేమంగా ఉన్నాను. నా గురించి చింతించకండి. మీ ప్రేమాభిమానాలకు ధన్యవాదాలు’’ అని ఆయన రాసుకొచ్చారు.

ఈ ప్రమాదం జరిగిన వెంటనే అక్కడికి చేరుకున్న పోలీసులు.. డ్రైవర్‌కు డ్రంక్‌ అండ్‌ డ్రైవ్‌ పరీక్షలు నిర్వహించారు. మద్యం సేవించలేదని తనిఖీల్లో తేలింది. ప్రమాదం జరిగిన సమయంలో శర్వానంద్‌ కారులోనే ఉన్నట్లు పోలీసులు ధ్రువీకరించారు. మరోవైపు, ఈ ప్రమాదంలో శర్వానంద్‌కు గాయాలయ్యాయంటూ ప్రచారం జరిగింది. దీంతో, తాజాగా ఆయన స్పందించారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.