Hey Sinamika: ‘విడిపోవడానికి లక్ష కారణాలున్నాయి’.. ఆకట్టుకునేలా ‘హే సినామిక’ ట్రైలర్‌

‘ఇద్దరు వ్యక్తులు విడిపోవడానికి సవాలక్ష కారణాలున్నాయి. కానీ, కలిసి జీవించటానికి ఉన్న ఒకే ఒక్క కారణం ప్రేమ’ అని అంటున్నారు దుల్కర్‌ సల్మాన్‌.

Published : 16 Feb 2022 19:10 IST

ఇంటర్నెట్‌ డెస్క్‌: ‘ఇద్దరు వ్యక్తులు విడిపోవడానికి సవాలక్ష కారణాలున్నాయి. కానీ, కలిసి జీవించటానికి ఉన్న ఒకే ఒక్క కారణం ప్రేమ’ అని అంటున్నారు దుల్కర్‌ సల్మాన్‌. ఈయన హీరోగా రూపొందిన ‘హే సినామిక’ చిత్రంలోని సంభాషణ ఇది. ప్రముఖ నృత్య దర్శకురాలు బృందా దర్శకత్వం వహించిన ఈ సినిమా మార్చి 3న ప్రేక్షకుల ముందుకురానుంది. ఈ సందర్భంగా ట్రైలర్‌ను ప్రముఖ నటుడు మహేశ్‌బాబు సోషల్‌ మీడియా వేదికగా విడుదల చేశారు. ట్రైలర్‌ విడుదల చేయటం సంతోషంగా ఉందని, సినిమా మంచి విజయం అందుకోవాలని ఆకాంక్షించారు. ప్రేమ, పెళ్లి, విడాకులు.. ఈ మూడు ప్రధానాంశాలుగా సినిమాను తెరకెక్కించినట్టు ట్రైలర్‌ చూస్తుంటే అర్థమవుతోంది. దుల్కర్‌ చెప్పిన సంభాషణలు, ఆయన విభిన్న లుక్స్‌ అందరినీ ఆకట్టుకునేలా ఉన్నాయి. ఈ సినిమాలో దుల్కర్‌ సాఫ్ట్‌వేర్‌ ఇంజినీర్‌గా కనిపించనున్నారు. ఆయన సరసన కాజల్‌ అగర్వాల్‌, అదితిరావు హైదరీ నటించారు. జియో స్టూడియోస్‌ నిర్మించిన ఈ సినిమాకు గోవింద్‌ వసంత సంగీతం అందించారు.

► Read latest Movies News and Telugu News

► Follow us on Facebook, Twitter, Instagram & Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.