‘హైవే’.. మొదలైంది

ఇంటర్నెట్‌ డెస్క్‌: ఆనంద్‌ దేవరకొండ కథానాయకుడిగా దర్శకుడు కేవీ గుహన్‌ తెరకెక్కిస్తోన్న చిత్రం ‘హైవే. మలయాళీ నటి మానస రాధాకృష్ణన్‌ ఈ సినిమాతో తెలుగు తెరకు పరిచయం కానున్నారు. బుధవారం నుంచి రెగ్యులర్‌ షూటింగ్‌ ప్రారంభించినట్టు చిత్ర బృందం తెలిపింది. సెట్‌లో అడుగుపెట్టిన నాయకానాయికల ఫొటోని సామాజిక మాధ్యమాల వేదికగా అభిమానులతో పంచుకుంది. క్రైమ్‌ థ్రిల్లర్‌ నేపథ్యంలో ఈ సినిమా రూపొందుతోంది. శ్రీ ఐశ్వర్య లక్ష్మి మూవీస్‌ పతాకంపై వెంకట్‌ తలారి నిర్మిస్తున్నారు. సిమన్‌ కె.కింగ్‌ సంగీతం అందిస్తున్నారు. మరోవైపు ‘పుష్పక విమానం’ చిత్రంలో నటిస్తున్నాడు ఆనంద్‌. సినిమాటోగ్రాఫర్‌గా మంచి గుర్తింపు తెచ్చుకున్న గుహన్‌ దర్శకుడిగా మారి తెలుగులో ‘118’ , ‘WWW’ చిత్రాలు తెరకెక్కించారు. కల్యాణ్‌ రామ్‌ హీరోగా మరో చిత్రాన్ని ప్రకటించారు.