HIT 2: ‘హిట్‌’ ప్రపంచంలో కీలకం ‘హిట్‌2’

‘హిట్‌2’తో థ్రిల్‌ పంచేందుకు సిద్ధమవుతున్నారు కథానాయకుడు అడివి శేష్‌. ‘హిట్‌’కు కొనసాగింపుగా శైలేష్‌ కొలను తెరకెక్కించిన చిత్రమిది.

Updated : 24 Nov 2022 07:09 IST

‘హిట్‌2’తో (HIT 2) థ్రిల్‌ పంచేందుకు సిద్ధమవుతున్నారు కథానాయకుడు అడివి శేష్‌ (Adivi Sesh). ‘హిట్‌’కు కొనసాగింపుగా శైలేష్‌ కొలను తెరకెక్కించిన చిత్రమిది. ప్రశాంతి త్రిపిరనేని నిర్మాత. మీనాక్షి చౌదరి కథానాయిక. నాని సమర్పిస్తున్నారు. ఈ సినిమా డిసెంబరు 2న ప్రేక్షకుల ముందుకు రానుంది. ఈ నేపథ్యంలోనే బుధవారం హైదరాబాద్‌లో చిత్ర ట్రైలర్‌ను విడుదల చేశారు. ఈ సందర్భంగా హీరో అడివి శేష్‌ మాట్లాడుతూ.. ‘‘పెద్ద తెరపై ట్రైలర్‌ చూశాక.. సినిమాపై చాలా నమ్మకం వచ్చింది. ముందుగా తెలుగు వెర్షన్‌ విడుదలవుతుంది. ‘హిట్‌’ యూనివర్స్‌లో నుంచి వస్తున్న రెండో చిత్రమిది. చాలా కీలకమైనది. తొలి భాగంతో పోల్చితే ఈ ‘హిట్2’ చాలా పెద్ద సినిమా. ‘హిట్‌3’ ఈ ‘హిట్‌2’ కన్నా ఇంకా పెద్ద సినిమా. ఈ మూడో భాగంలోనూ నేను ఉంటాను. త్వరలో అన్నపూర్ణ స్టూడియోస్‌లో ఓ పాన్‌ ఇండియా సినిమా చేయనున్నా’’ అన్నారు. దర్శకుడు శైలేష్‌ మాట్లాడుతూ.. ‘‘టీజర్‌ చివర్లో ఓ అమ్మాయిని ముక్కలుగా ఎందుకు చూపించారని చాలా మంది అడిగారు. సినిమా కథ ఆ హత్య చుట్టూనే తిరుగుతుంది. మరి దాని వెనకున్న పూర్తి కథేంటన్నది తెలియాలంటే సినిమా చూడాల్సిందే’’ అన్నారు. ఈ కార్యక్రమంలో శ్రీనాథ్‌ మాగంటి, పావని పాల్గొన్నారు.


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని