KGF3 : కేజీయఫ్‌-3పై నిన్న అలా.. నేడు ఇలా..!

‘కేజీయఫ్‌’, ‘కేజీయఫ్‌-2’ చిత్రాలతో కన్నడ చిత్రపరిశ్రమ ఖ్యాతిని ప్రపంచ స్థాయికి చేర్చారు నటుడు యశ్‌, దర్శకుడు ప్రశాంత్‌నీల్‌. వీరిద్దరి కాంబినేషన్‌లో ఇటీవల విడుదలైన ‘కేజీయఫ్‌-2’ బ్లాక్‌బస్టర్‌ సక్సెస్‌ని సొంతం చేసుకున్....

Published : 15 May 2022 12:03 IST

బెంగళూరు: ‘కేజీయఫ్‌’, ‘కేజీయఫ్‌-2’ చిత్రాలతో కన్నడ చిత్రపరిశ్రమ ఖ్యాతిని ప్రపంచ స్థాయికి చేర్చారు నటుడు యశ్‌, దర్శకుడు ప్రశాంత్‌నీల్‌. వీరిద్దరి కాంబినేషన్‌లో ఇటీవల విడుదలైన ‘కేజీయఫ్‌-2’ బ్లాక్‌బస్టర్‌ సక్సెస్‌ని సొంతం చేసుకున్న సంగతి తెలిసిందే. ‘కేజీయఫ్‌’లో వదిలేసిన ఎన్నో ప్రశ్నలకు ‘కేజీయఫ్‌-2’తో దర్శకుడు సమాధానాలిచ్చారు. అయితే, ‘కేజీయఫ్‌-2’ ఎండ్‌కార్డ్స్‌లో ‘కేజీయఫ్‌-3’ ఉన్నట్లు చిత్రబృందం చిన్న హింట్‌ ఇచ్చింది. దీంతో ‘కేజీయఫ్‌-3’ అప్‌డేట్స్‌ కోసం సినీ ప్రియులు ఆశగా ఎదురుచూస్తున్నారు. ఈక్రమంలోనే శనివారం ఉదయం నుంచి ‘కేజీయఫ్‌-3’ అప్‌డేట్స్‌పై కొన్ని వార్తలు నెట్టింట చక్కర్లు కొట్టాయి. ‘కేజీయఫ్‌-3’ స్క్రిప్ట్‌ వర్క్‌ జరుగుతోందని, ఈ ఏడాది నవంబర్‌ నుంచి షూట్‌ ప్రారంభించే అవకాశం ఉందని నిర్మాత విజయ్‌ కిరగందూర్‌ చెప్పినట్లు ఆయా వార్తల్లో రాసుకొచ్చారు. దీంతో  ‘కేజీయఫ్‌-3’ నెట్టింట్లో ఒక ట్రెండింగ్ టాపిక్‌గా మారింది.

కాగా, ‘కేజీయఫ్‌-3’ గురించి వస్తోన్న వరుస కథనాలపై హోంబలే సంస్థకు చెందిన మరో నిర్మాత కార్తిక్‌ గౌడ స్పందించారు. ‘‘నెట్టింట్లో చక్కర్లు కొడుతోన్న వార్తల్లో ఏమాత్రం నిజం లేదు. అవన్నీ అవాస్తవాలు మాత్రమే. ప్రస్తుతం మా చేతిలో ఎన్నో అద్భుతమైన చిత్రాలు ఉన్నాయి. మా దృష్టంతా వాటిపైనే ఉంది. కాబట్టి, హోంబలే సంస్థ ఇప్పట్లో ‘కేజీయఫ్‌-3’ని పట్టాలెక్కించాలనుకోవడం లేదు. ఒకవేళ ఆ సినిమా షూటింగ్‌ ప్రారంభిస్తే తప్పకుండా అధికారిక ప్రకటన ఇస్తాం’’ అని కార్తిక్‌ ట్వీట్‌ చేశారు.


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని